вечерня на троицу после литургии
Последование Великой Вечерни в праздник Пятидесятницы (День Святой Троицы). Для домашнего (келейного) совершения
ВСЕНО́ЩНОЕ БДЕ́НИЕ
ВЕЛИ́КАЯ ВЕЧЕ́РНЯ
Моли́твами святы́х оте́ц на́ших, Го́споди Иису́се Христе́, Бо́же наш, поми́луй нас. Ами́нь.
Сла́ва Тебе́, Бо́же наш, сла́ва Тебе́.
Царю́ Небе́сный, Уте́шителю, Ду́ше и́стины, И́же везде́ сый и вся исполня́яй, Сокро́вище благи́х и жи́зни Пода́телю, прииди́ и всели́ся в ны, и очи́сти ны от вся́кия скве́рны, и спаси́, Бла́же, ду́ши на́ша.
Святы́й Бо́же, Святы́й Кре́пкий, Святы́й Безсме́ртный, поми́луй нас. (Трижды.)
Сла́ва Отцу́ и Сы́ну и Свято́му Ду́ху, и ны́не и при́сно и во ве́ки веко́в. Ами́нь.
Пресвята́я Тро́ице, поми́луй нас; Го́споди, очи́сти грехи́ на́ша; Влады́ко, прости́ беззако́ния на́ша; Святы́й, посети́ и исцели́ не́мощи на́ша, и́мене Твоего́ ра́ди.
Го́споди, поми́луй, (трижды). Сла́ва, и ны́не:
О́тче наш, И́же еси́ на Небесе́х, да святи́тся и́мя Твое́, да прии́дет Ца́рствие Твое́, да бу́дет во́ля Твоя́, я́ко на Небеси́ и на земли́. Хлеб наш насу́щный да́ждь нам днесь; и оста́ви нам до́лги на́ша, я́коже и мы оставля́ем должнико́м на́шим; и не введи́ нас во искуше́ние, но изба́ви нас от лука́ваго.
Таже, Го́споди, поми́луй, (12), Сла́ва, и ны́не:
Прииди́те, поклони́мся Царе́ви на́шему Бо́гу.
Прииди́те, поклони́мся и припаде́м Христу́, Царе́ви на́шему Бо́гу.
Прииди́те, поклони́мся и припаде́м Самому́ Христу́, Царе́ви и Бо́гу на́шему.
Псалом 103:
Поется часть псалма:
Благослови́, душе́ моя́, Го́спода. / Благослове́н еси́, Го́споди. / Го́споди, Бо́же мой, возвели́чился еси́ зело́. / Благослове́н еси́, Го́споди. / Во испове́дание и в велеле́поту обле́клся еси́. / Благослове́н еси́, Го́споди. / Посреде́ гор про́йдут во́ды. / Ди́вна дела́ Твоя́, Го́споди. / Вся прему́дростию сотвори́л еси́. / Сла́ва Ти, Го́споди, сотвори́вшему вся.
Или читается псалом полностью:
Благослови́, душе́ моя́, Го́спода. Го́споди, Бо́же мой, возвели́чился еси́ зело́. Во испове́дание и в велеле́поту обле́клся еси́. Одея́йся све́том, я́ко ри́зою, простира́яй не́бо, я́ко ко́жу. Покрыва́яй вода́ми превы́спренняя Своя́, полага́яй о́блаки на восхожде́ние Свое́, ходя́й на крилу́ ве́треню. Творя́й А́нгелы Своя́ ду́хи и слуги́ Своя́ пла́мень о́гненный. Основа́яй зе́млю на тве́рди ея́, не преклони́тся в век ве́ка. Бе́здна, я́ко ри́за, одея́ние ея́, на гора́х ста́нут во́ды, от запреще́ния Твоего́ побе́гнут, от гла́са гро́ма Твоего́ убоя́тся. Восхо́дят го́ры и нисхо́дят поля́ в ме́сто, е́же основа́л еси́ им. Преде́л положи́л еси́, eго́же не пре́йдут, ниже́ обратя́тся покры́ти зе́млю. Посыла́яй исто́чники в де́брех, посреде́ гор про́йдут во́ды. Напая́ют вся зве́ри се́льныя, ждут она́гри в жа́жду свою́. На ты́х пти́цы небе́сныя привита́ют, от среды́ ка́мения дадя́т глас. Напая́яй го́ры от превы́спренних Свои́х, от плода́ дел Твои́х насы́тится земля́. Прозяба́яй траву́ ското́м, и злак на слу́жбу челове́ком, извести́ хлеб от земли́. И вино́ весели́т се́рдце челове́ка, ума́стити лице́ еле́ем, и хлеб се́рдце челове́ка укрепи́т. Насы́тятся древа́ польска́я, ке́дри Лива́нстии, и́хже еси́ насади́л. Та́мо пти́цы вогнездя́тся, ероди́ево жили́ще предводи́тельствует и́ми. Го́ры высо́кия еле́нем, ка́мень прибе́жище за́яцем. Сотвори́л есть луну́ во времена́, со́лнце позна́ за́пад свой. Положи́л еси́ тму, и бысть нощь, в не́йже про́йдут вси зве́рие дубра́внии. Ски́мни рыка́ющии, восхи́тити и взыска́ти от Бо́га пи́щу себе́. Возсия́ со́лнце и собра́шася и в ло́жах свои́х ля́гут. Изы́дет челове́к на де́ло свое́ и на де́лание свое́ до ве́чера. Я́ко возвели́чишася дела́ Твоя́, Го́споди, вся прему́дростию сотвори́л еси́, испо́лнися земля́ тва́ри Твоея́. Сие́ мо́ре вели́кое и простра́нное, та́мо га́ди, и́мже несть числа́, живо́тная ма́лая с вели́кими, та́мо корабли́ препла́вают, змий сей, eго́же созда́л еси руга́тися eму́. Вся к Тебе́ ча́ют, да́ти пи́щу им во бла́го вре́мя. Да́вшу Тебе́ им соберу́т, отве́рзшу Тебе́ ру́ку вся́ческая испо́лнятся бла́гости, отвра́щшу же Тебе́ лице́, возмяту́тся, отъи́меши дух их, и исче́знут, и в персть свою́ возвратя́тся. По́слеши Ду́ха Твоего́, и сози́ждутся, и обнови́ши лице́ земли́. Бу́ди сла́ва Госпо́дня во ве́ки, возвесели́тся Госпо́дь о де́лех Свои́х, призира́яй на зе́млю, и творя́й ю́ трясти́ся, прикаса́яйся гора́м, и дымя́тся. Воспою́ Го́сподеви в животе́ мое́м, пою́ Бо́гу моему́, до́ндеже есмь, да услади́тся Ему́ бесе́да моя́, аз же возвеселю́ся о Го́споде. Да исче́знут гре́шницы от земли́, и беззако́нницы, я́коже не бы́ти им. Благослови́, душе́ моя́, Го́спода.
Со́лнце позна́ за́пад свой. Положи́л еси́ тму, и бысть нощь. Я́ко возвели́чишася дела́ Твоя́, Го́споди, вся прему́дростию сотвори́л еси́.
Сла́ва, и ны́не: Аллилу́иа, аллилу́иа, аллилу́иа, сла́ва Тебе́ Бо́же. Трижды.
Го́споди, воззва́х, глас 4:
Го́споди, воззва́х к Тебе́, услы́ши мя./ Услы́ши мя, Го́споди./ Го́споди, воззва́х к Тебе́, услы́ши мя:/ вонми́ гла́су моле́ния моего́,/ внегда́ воззва́ти ми к Тебе́.// Услы́ши мя, Го́споди.
Да испра́вится моли́тва моя́,/ я́ко кади́ло пред Тобо́ю,/ воздея́ние руку́ мое́ю/ – же́ртва вече́рняя.// Услы́ши мя, Го́споди.
Глас 4: Стих: А́ще беззако́ния на́зриши, Го́споди, Го́споди, кто постои́т? Я́ко у Тебе́ очище́ние есть.
Пресла́вная днесь/ ви́деша вси язы́цы во гра́де Дави́дове,/ егда́ Дух сни́де Святы́й во о́гненных язы́цех,/ я́коже богоглаго́ливый Лука́ повеству́ет,/ глаго́лет бо:/ со́бранным ученико́м Христо́вым,/ бысть шум, я́коже носи́му дыха́нию бу́рну,/ и испо́лни дом, иде́же бя́ху седя́ще:/ и вси нача́ша глаго́лати стра́нными глаго́лы,/ стра́нными уче́нии,// стра́нными повеле́нии Святы́я Тро́ицы.
Стих: Я́ко у Го́спода ми́лость, и мно́гое у Него́ избавле́ние, и Той изба́вит Изра́иля от всех беззако́ний eго́.
Дух Святы́й бе у́бо при́сно, и есть, и бу́дет:/ ниже́ начина́емь, ниже́ престая́й,/ но при́сно Отцу́ и Сы́ну счине́н и счисля́емь:/ Живо́т, и животворя́й,/ Свет, и све́та пода́тель,/ самоблаги́й и исто́чник благосты́ни:/ И́мже Оте́ц познава́ется, и Сын прославля́ется,/ и от всех познава́ется,/ еди́на си́ла, еди́но счета́ние,// еди́но поклоне́ние Святы́я Тро́ицы.
Стих: Я́ко утверди́ся ми́лость Его́ на нас, и и́стина Госпо́дня пребыва́ет во век.
Дух Святы́й Свет и Живо́т,/ и живы́й исто́чник у́мный,/ Дух прему́дрости, Дух ра́зума,/ благи́й, пра́вый, у́мный: облада́яй,/ очища́яй прегреше́ния:/ Бог и боготворяй,/ Огнь и от Огня́ происходя́й:/ глаго́ляй, де́яй, разделя́яй дарова́ния,/ И́мже проро́цы вси,/ и боже́ственнии апо́столи с му́ченики венча́шася,/ стра́нное слы́шание,/ стра́нное виде́ние,// огнь разделя́яйся в подая́ние дарова́ний.
Глас 8: Сла́ва Отцу́ и Сы́ну и Свято́му Ду́ху. И ны́не и при́сно и во ве́ки веко́в. Ами́нь.
Царю́ Небе́сный,/ Уте́шителю, Ду́ше и́стины,/ И́же везде́ сый/ и вся исполня́яй,/ Сокро́вище благи́х/ и жи́зни Пода́телю,/ прииди́ и всели́ся в ны,/ и очи́сти ны от вся́кия скве́рны,// и спаси́, Бла́же, ду́ши на́ша.
Све́те Тихи́й:
Све́те Ти́хий святы́я сла́вы Безсме́ртнаго Отца́ Небе́снаго, Свята́го, Блаже́ннаго, Иису́се Христе́! Прише́дше на за́пад со́лнца, ви́девше свет вече́рний, пое́м Отца́, Сы́на и Свята́го Ду́ха, Бо́га. Досто́ин еси́ во вся времена́ пет бы́ти гла́сы преподо́бными, Сы́не Бо́жий, живо́т дая́й; те́мже мир Тя сла́вит.
Го́споди, поми́луй. (Три́жды,)
Сподо́би, Го́споди:
Сподо́би, Го́споди, в ве́чер сей без греха́ сохрани́тися нам. Благослове́н еси́, Го́споди, Бо́же оте́ц на́ших, и хва́льно и просла́влено и́мя Твое́ во ве́ки. Ами́нь.
Бу́ди, Го́споди, ми́лость Твоя́ на нас, я́коже упова́хом на Тя. Благослове́н еси́, Го́споди, научи́ мя оправда́нием Твои́м. Благослове́н еси́, Влады́ко, вразуми́ мя оправда́нием Твои́м. Благослове́н еси́, Святы́й, просвети́ мя оправда́нии Твои́ми.
Го́споди, ми́лость Твоя́ во век, дел руку́ Твое́ю не пре́зри. Тебе́ подоба́ет хвала́, Тебе́ подоба́ет пе́ние, Тебе́ сла́ва подоба́ет. Отцу́ и Сы́ну и Свято́му Ду́ху, ны́не и при́сно и во ве́ки веко́в. Ами́нь.
Го́споди, поми́луй. (40 раз)
Стихи́ры на стихо́вне:
Ны́не в зна́мение всем я́ве язы́цы бы́ша:/ иуде́и бо от ни́хже по пло́ти Христо́с,/ неве́рием неду́говавше, Бо́жия благода́ти отпадо́ша:/ и Боже́ственнаго све́та/ су́щии от язы́ков сподо́бихомся,/ утверди́вшеся словесы́ ученико́в,/ веща́ющих сла́ву Благоде́теля всех Бо́га:/ с ни́миже сердца́ с коле́нами прикло́нше,/ ве́рою поклони́мся Свято́му Ду́ху,// утверди́вшеся Спаси́телем душ на́ших.
Стих: Се́рдце чи́сто сози́жди во мне, Бо́же, / и Дух прав обнови́ во утро́бе мое́й.
Ны́не Уте́шительный Дух на вся́кую плоть излия́ся:/ от апо́стольских бо лико́в наче́нший,/ от тех по прича́стию ве́рным благода́ть простре́,/ и уверя́ет Свое́ держа́вное наи́тие во о́гненном ви́де,/ ученико́м раздая́й язы́ки в песнопе́ние и сла́ву Бо́жию./ Те́мже сердцы́ у́мно просвеща́еми,/ в ве́ре утверди́вшеся Святы́м Ду́хом, мо́лимся// спасти́ся душа́м на́шим.
Стих: Не отве́ржи мене́ от лица́ Твоего́ / и Ду́ха Твоего́ Свята́го не оты́ми от мене́.
Ны́не облача́тся держа́вою Христо́вою с высоты́ апо́столи:/ обновля́ет бо их Уте́шитель,/ в них обновля́яся та́инственным обновле́нием ра́зума:/ и́же стра́нными гла́сы, и высокоглаго́ливыми пропове́дающе/ присносу́щное Естество́ же и про́стое,/ триипоста́сное почита́ти,/ Благоде́теля всех Бо́га./ Те́мже просвети́вшеся о́ных уче́ньми,/ Отцу́ поклони́мся с Сы́ном и Ду́хом,// моля́щеся спасти́ся душа́м на́шим.
Глас 8: Сла́ва Отцу́ и Сы́ну и Свято́му Ду́ху. И ны́не и при́сно и во ве́ки веко́в. Ами́нь.
Прииди́те лю́дие,/ триипоста́сному Божеству́ поклони́мся,/ Сы́ну во Отце́, со Святы́м Ду́хом:/ Оте́ц бо безле́тно роди́/ Сы́на соприсносу́щна и сопресто́льна,/ и Дух Святы́й бе во Отце́ с Сы́ном прославля́емь:/ еди́на си́ла, еди́но существо́, еди́но Божество́./ Ему́же покланя́ющеся вси глаго́лем:/ Святы́й Бо́же, вся соде́явый Сы́ном,/ соде́йством Свята́го Ду́ха./ Святы́й Кре́пкий, И́мже Отца́ позна́хом,/ и Дух Святы́й прии́де в мир:/ Святы́й Безсме́ртный, уте́шительный Ду́ше,/ от Отца́ исходя́й, и в Сы́не почива́яй:// Тро́ице Свята́я, сла́ва Тебе́.
Моли́тва свята́го Симео́на Богоприи́мца:
Ны́не отпуща́еши раба́ Твоего́, Влады́ко,/ по глаго́лу Твоему́, с ми́ром;/ я́ко ви́деста о́чи мои́ спасе́ние Твое́,/ е́же еси́ угото́вал пред лице́м всех люде́й,/ свет во открове́ние язы́ков,// и сла́ву люде́й Твои́х Изра́иля.
Святы́й Бо́же, Святы́й Кре́пкий, Святы́й Безсме́ртный, поми́луй нас. (Три́жды)
Сла́ва Отцу́ и Сы́ну и Свято́му Ду́ху, и ны́не и при́сно и во ве́ки веко́в. Ами́нь.
Пресвята́я Тро́ице, поми́луй нас; Го́споди, очи́сти грехи́ на́ша; Влады́ко, прости́ беззако́ния на́ша; Святы́й, посети́ и исцели́ не́мощи на́ша, и́мене Твоего́ ра́ди.
Го́споди, поми́луй. (Три́жды)
Сла́ва Отцу́ и Сы́ну и Свято́му Ду́ху, и ны́не и при́сно и во ве́ки веко́в. Ами́нь.
О́тче наш, И́же еси́ на Небесе́х, да святи́тся и́мя Твое́, да прии́дет Ца́рствие Твое́, да бу́дет во́ля Твоя́, я́ко на Небеси́ и на земли́. Хлеб наш насу́щный да́ждь нам днесь; и оста́ви нам до́лги на́ша, я́коже и мы оставля́ем должнико́м на́шим; и не введи́ нас во искуше́ние, но изба́ви нас от лука́ваго.
Тропа́рь, глас 8:
Благослове́н еси́, Христе́ Бо́же наш, / И́же прему́дры ловцы́ явле́й, / низпосла́в им Ду́ха Свята́го, / и те́ми уловле́й вселе́нную, / Человеколю́бче, сла́ва Тебе́. (Три́жды)
Утверди́, Бо́же, святу́ю правосла́вную ве́ру, правосла́вных христиа́н во век ве́ка.
Честне́йшую Херуви́м и Сла́внейшую без сравне́ния Серафи́м, без истле́ния Бо́га Сло́ва ро́ждшую, су́щую Богоро́дицу, Тя велича́ем.
Сла́ва, и ны́не. Го́споди, поми́луй. (Три́жды) Благослови́.
И́же от О́тчих и Боже́ственных недр истощи́вый Себе́, и с небесе́ на зе́млю соше́дый, и на́ше все восприе́мый естество́, и обожи́вый е́, по сих же на небеса́ па́ки возше́дый и одесну́ю се́дый Бо́га и Отца́: Боже́ственнаго же и Свята́го и единосу́щнаго, и единоси́льнаго, и единосла́внаго, и соприсносу́щнаго Ду́ха низпосла́вый на святы́я Своя́ ученики́ и апо́столы, и Сим просвети́вый у́бо их, те́ми же всю вселе́нную: Господи Иисусе Христе, Сыне Божий, моли́твами Пречи́стыя Своея́ Ма́тере и всех святы́х, поми́луй и спаси нас я́ко Благ и Челове́колюбец.
Многоле́тие:
Вели́каго Господи́на и Отца́ на́шего Кири́лла,/ Святе́йшаго Патри́арха Моско́вского и всея́ Руси́,/ и Господи́на на́шего (Высоко-) Преосвяще́ннейшаго (имярек),/ (архи-)епи́скопа (митрополита (титул)),/ богохрани́мую страну́ на́шу Росси́йскую,/ и вся правосла́вныя христи́аны,// Го́споди, сохрани́ их на мно́гая ле́та.
Православная Жизнь
О богослужебных особенностях праздника Троицы – протоиерей Константин Пилипчук, секретарь Киевской епархии, доцент КДА.
– Какие богослужебные особенности праздника Пресвятой Троицы?
– Богослужение на Троицу, совершающееся в нынешнее время, значительно отличается от службы в первые века христианства. Тогда этот праздник не был так широко известен и, по мнению литургистов, праздновался в воскресный день, фактически ничем не отличаясь от обычной воскресной службы.
Со временем, начиная с III и особенно с IV века, когда Церковь уже получила легитимный статус, богослужение Троицы начинает приобретать новые краски и новые молитвословия.
– Когда появилась коленнопреклонная молитва?
– В IV веке уже появляются коленопреклонные молитвы, авторство которых приписывают перу Василия Великого. Также IV столетием датируется свидетельство святителя Иоанна Златоуста о том, что храм на этот праздник украшался зеленью и цветами. С VII столетия нам известен кондак праздника, авторство которого принадлежит Роману Сладкопевцу. К VIII столетию Иоанном Дамаскиным и Косьмой Маюмским были написаны торжественные каноны Троицы.
И вот с IX–Х столетий в литургических источниках возникает торжественная, очень полюбившаяся теперь православному народу стихира праздника: «Царю Небесный…» Эта стихира настолько хорошо иллюстрирует образ третьей Ипостаси Святой Троицы – Духа Святого, которого в Евангелии Сам Господь называет «Утешителем», что с XIV–XV веков она входит в так называемое начало обычное всех чинопоследований Православной Церкви, всех молитвословий, даже утреннего и вечернего правил.
Полный чин торжественного богослужения Пятидесятницы впервые появляется в уставе Константинопольской Церкви в Х веке.
– Есть ли богослужебные особенности Литургии?
Основную особенность и особую торжественность Литургии предавал обычай древней Церкви совершать в этот день Крещение оглашенных (готовящихся принять христианство). Отсюда происходит появление торжественного крещального песнопения «Елицы во Христа крестистеся. » вместо «Трисвятого». Эта особенность способствовала популяризации этого праздника в древности и его распространения. Причем эта особенность также совподает с праздником Святой Пасхи и Крещения.
М. Нестеров. Троица Ветхозаветная
– Еще одно песнопение, которое тоже относится к этому празднику, – это замечательная стихира «Видехом свет истинный…»
– Со временем она тоже вошла в чинопоследование Литургии. Ее стали воспевать после Причастия на каждой службе. Причем в период от Пасхи до Пятидесятницы, 50 дней, эти молитвословия не используются, подготовляя человека к тому, чтобы он с особым вниманием воспринял смысл этих песнопений в день Святой Пятидесятницы.
Также от Пасхи до Пятидесятницы Церковь отменяет коленопреклонение. И самой яркой особенностью службы Троицы является служение Великой Вечерни в сам день праздника после Божественной литургии, с чтением коленопреклонных молитв. Именно с этого дня мы снова начинаем петь молитвенное обращение к Святому Духу и снова получаем разрешение Церковного Устава на коленопреклонение.
Прп. Андрей Рублев. Троица
– Что значит коленопреклонение в религиозном отношении?
– В древней Церкви ектении, которые использовались в богослужениях и были не так многочисленны и не так содержательны, как в настоящее время, всегда сопровождались коленопреклонением.
Само коленопреклонение в религиозном отношении имеет очень важное значение – человек через свои физические, внешние проявления демонстрирует свое отношение к Богу, свое особое Его почитание. Когда человек в умилении и благоговении стоит перед Богом – ему хочется преклонить свои колени перед Ним.
В коленопреклонных молитвах на Троицу каждый из нас обращается к Богу, во Святой Троице Единому, Отцу, Сыну и Святому Духу, дабы Господь не оставил свое творение, не оставил всех нас без Своего личностного внимания, без Своей Благодати, Своей любви и заботы.
Троица. Коленопреклонные молитвы
– Правда ли, что Пятидесятница является венцом спасительного замысла Божиего о человеке, исполнением всего земного служения Иисуса Христа?
– Совершенно верно. Господь перед Своими страданиям сказал апостолам, что Он должен пойти на страдания, иначе не придет к ним Утешитель: «. Ибо, если Я не пойду, Утешитель не приидет к вам; а если пойду, то пошлю Его к вам. » (Ин 16:7). Завершая свою земную миссию, Господь посылает нам Духа-Утешителя, Который собирает всех нас воедино, в особое мистическое Тело Христово – Церковь, и дарует нам особые благодатные дары, особую помощь, без которой мы не сможем войти в Царствие Небесное.
Особенно важно, что с этого момента, с момента сошествия Святого Духа, Господь открывает нам возможность быть вместе с Ним, открывает нам Царские врата в рай. Но надо понимать, что для нас это лишь потенциальная возможность.
Господь никогда не нарушает воли человека. Он в Своей любви желает, чтобы каждый из нас, по собственной воле и без принуждения, вернулся в лоно отчее, в эдемские обители. Но своими собственным усилиями, талантами или дарованиями мы не сможем этого сделать, не сможем противостоять греху. Поэтому Господь учредил Церковь и преподает нам в Ней Божественные Таинства. Первые Таинства это – Крещение и Миропомазание, которыми Господь запечатлевает человека в Святом Духе, через помазание миром дарует нам обетование, что не оставит нас. И уже от нас самих зависит: быть с Господом или нет, войти в Царствие Божье или нет, прийти к Творцу или нет.
Коленопреклоненные молитвы на Троицу
Входят в состав Великой вечерни
Содержание
«После Литургии в день Св. Троицы (тоже называется Пятидесятницей, или Сошествием Св. Духа на апостолов) совершается Вечерня по обычному плану. На этой Вечерни читаются три молитвы с коленопреклонением. Составлены эти молитвы Св. Василием Великим (329–379 гг.).
В 1-й молитве мы исповедуем пред Отцем Небесным наши грехи и просим Его помиловать нас ради великой жертвы сына Его, Господа нашего Иисуса Христа.
Во 2-й молитве мы просим Господа даровать нам Божественнаго Духа.
В 3-й молитве просим Господа, сошедшего во ад и сокрушившаго силу диавола, упокоить наших усопших отцев и братьев в месте светле, в месте злачне, в месте покойне.
(Н.Р. Антонов: Храм Божий и Церковныя Службы, 1912 г., С.-Пб.).
Молитва первая
Пречи́сте, нескве́рне, безнача́льне, неви́диме непостижи́ме, неизсле́диме, непреме́нне, непобеди́ме, неизче́тне, незло́биве Го́споди, еди́н име́яй безсме́ртие, во све́те живы́й непристу́пном, сотвори́вый не́бо и зе́млю, и мо́ре, и вся созда́нная на них, пре́жде е́же проси́ти, всем проше́ния подава́яй, Тебе́ мо́лимся, и Тебе́ про́сим, Влады́ко Человеколю́бче, Отца́ Го́спода и Бо́га и Спа́са на́шего Иису́са Христа́, нас ра́ди челове́ков, и на́шего ра́ди спасе́ния сше́дшаго с небе́с, и воплоти́вшагося от Ду́ха Свята́го и Мари́и Присноде́вы, и Пресла́вныя Богоро́дицы, И́же пе́рвее у́бо словесы́ уча́, последи́ же и де́лы показу́я, егда́ спаси́тельную страсть претерпе́, подаде́ нам подписа́ние смире́нным, и гре́шным, и недосто́йным рабо́м Твои́м, мольбы́ приноси́ти Тебе́, в вы́и и коле́н преклоне́ниих, о свои́х гресе́х, и о людски́х неве́дениих.
Сам Многоми́лостиве и Человеколю́бче, услы́ши ны, во́ньже а́ще день призове́м Тя, изря́днее же в день сей пятдеся́тный, во́ньже по Вознесе́нии Го́спода на́шего Иису́са Христа́ на небеса́, и седе́нии одесну́ю Тебе́ Бо́га и Отца́, низпосла́ Свята́го Ду́ха на святы́я Своя́ ученики́ и апо́столы, И́же и се́де на еди́ном коего́ждо их, и испо́лнишася вси неистощи́мыя благода́ти Его́, и глаго́лаша язы́ки ины́ми вели́чия Твоя́, и прореко́ша.
Ны́не у́бо моля́щихся Тебе́, услы́ши нас, и помяни́ нас, смире́нных и осужде́нных, и возврати́ плене́ние душ на́ших, Твое́ ми́лование име́я о нас моля́щееся. Приими́ нас, припа́дающих Тебе́, и вопию́щих: согреши́хом, к Тебе́ приве́ржени есмы́ от утро́бы, от чре́ва ма́тере на́шея, Ты еси́ Бог наш.
Но я́ко исчезо́ша в суете́ дни́е на́ши, обнажи́хомся Твоея́ по́мощи, лиши́хомся вся́каго отве́та, но дерза́юще на щедро́ты Твоя́, зове́м: грехи́ ю́ности на́шея и неве́дения не помяни́, и от та́йных на́ших очи́сти нас, и не отри́ни нас во вре́мя ста́рости, внегда́ оскуде́ти кре́пости на́шей, не оста́ви нас, пре́жде да́же нам в зе́млю не возврати́тися, сподо́би к Тебе́ возврати́тися, и вонми́ нам благоприя́тием и благода́тию. Возме́ри беззако́ния на́ша щедро́тами Твои́ми, сопроти́в поста́ви бе́здну щедро́т Твои́х мно́жеству согреше́ний на́ших.
При́зри с высоты́ святы́я Твоея́ Го́споди, на предстоя́щия лю́ди Твоя́, и ча́ющия е́же от Тебе ́ бога́тыя ми́лости.
Посети́ нас бла́гостию Твое́ю, изба́ви нас от наси́льства диа́воля, утверди́ живо́т наш святы́ми Твои́ми и свяще́нными зако́ны.
А́нгела, ве́рна храни́теля приста́ви лю́дем Твои́м, всех собери́ в Твое́ Ца́рствие.
Даждь проще́ние упова́ющим на Тя, оста́ви им и нам грехи́.
Очи́сти нас де́йством Свята́го Твоего́ Ду́ха, разруши́ я́же на нас ко́зни вра́жия.
Перевод: Пречистый, непорочный, безначальный, невидимый, непостижимый, неисследимый, неизменный, непреодолимый, неизмеримый, беззлобный Господи, один имеющий бессмертие, обитающий во свете неприступном, сотворивший небо, и землю, и море, и всё созданное в них, подающий всем просимое прежде прошения, Тебе молимся и Тебя призываем, Владыка Человеколюбец, Отца Господа и Бога, и Спасителя нашего Иисуса Христа, ради нас людей и нашего ради спасения сошедшего с небес и воплотившегося от Духа Святого и Марии Приснодевы и преславной Богородицы. Он, сначала словами уча, а потом показывая и делами, когда терпел спасительное страдание, дал нам, смиренным, грешным и недостойным рабам Твоим, образец принесения молитв с преклонением главы и колен о собственных грехах и о грехах неведения народа.
Сам, многомилостивый и Человеколюбец, услышь нас, в какой бы день мы ни призвали Тебя, особенно же в этот день Пятидесятницы, в который по вознесении Господа нашего Иисуса Христа на небеса, когда Он и воссел по правую руку Тебя, Бога и Отца, и ниспослал на святых Своих учеников и Апостолов Святого Духа, Который и почил на каждом из них, и исполнились все неистощимой благодати Его и стали говорить на иных языках о великих делах Твоих и пророчествовать.
Так и ныне услышь нас, молящихся, и вспомни нас, смиренных и осужденных, и освободи из плена души наши, имея ходатайствующим за нас Твоё собственное сострадание. Прими нас, припадающих к Тебе и взывающих: «Мы согрешили!» На Тебя мы оставлены от материнского лона, от чрева матери Ты – Бог наш. Но, так как прошли в суете дни наши, мы остались без Твоей помощи и лишены всякого оправдания, однако, дерзновенно надеясь на милосердие Твое, взываем: «Греха юности нашей и неведения не вспомни и от тайных дел наших очисти нас, не отвергни нас во время старости, при оскудении силы нашей не оставь нас; прежде, чем мы возвратимся в землю, удостой нас обращения к Тебе и обрати внимание на нас с благоволением и милостью; измерь беззакония наши милосердием Твоим; поставь бездну милосердия Твоего против множества согрешений наших; посмотри со святой высоты Твоей на народ Твой, стоящий вокруг и ожидающий от Тебя обильной милости. Посети нас в благости Твоей, избавь нас от насилия диавола, утверди жизнь нашу святыми и священными законами Твоими. Ангелу, верному хранителю, вверь народ Твой; всех нас собери в Царство Твоё, дай прощение надеющимся на Тебя; отпусти им и нам согрешения, очисти нас действием Святого Духа, разрушь козни врага против нас.
К первой молитве присоединяется еще эта
Благослове́н еси́ Го́споди Влады́ко Вседержи́телю, просвети́вый день све́том со́лнечным, и нощь уясни́вый заря́ми о́гненными, долготу́ дневну́ю преити́ нам сподо́бивый, и прибли́житися нача́тком но́щи, услы́ши моле́ния на́ша, и всех люде́й Твои́х, и всем нам прости́в во́льныя и нево́льныя грехи́. Приими́ вече́рняя на́ша моле́ния, и низпосли́ мно́жество ми́лости Твоея́, и щедро́ты Твоя́ на достоя́ние Твое́.
Остени́ нас святы́ми а́нгелы Твои́ми, вооружи́ нас ору́жием пра́вды Твоея́, огради́ нас и́стиною Твое́ю, соблюди́ нас си́лою Твое́ю, изба́ви нас от вся́каго обстоя́ния, вся́каго наве́та сопротиволежа́щаго.
Пода́ждь же нам и настоя́щий ве́чер, с приходя́щею но́щию, соверше́н, свят ми́рен, безгре́шен, безсобла́знен, безмечта́нен, и вся дни живота́ на́шего, моли́твами святы́я Богоро́дицы, и всех святы́х от ве́ка Тебе́ благоугоди́вших.
По сугубой ектении молитва вторая
Го́споди Иису́се Христе́ Бо́же наш, мир Твой пода́вый челове́ком, и Пресвята́го Ду́ха дар, еще́ в житии́ и с на́ми сый, в насле́дие неотъе́млемое ве́рным при́сно подава́яй, явле́ннейше же сию́ благода́ть Твои́м ученико́м и апо́столом днесь низпосла́вый, и сих устне́ о́гненными утверди́вый язы́ки, и́миже весь род челове́ческий богове́дение свои́м язы́ком в слух у́ха прии́мше, све́том Ду́ха просвети́хомся, и пре́лести я́коже тмы измени́хомся, и чу́вственных и о́гненных язы́к раздая́нием, и преесте́ственным де́йством, е́же в Тя ве́ры научи́хомся, и Тебе́ богосло́вити со Отце́м и Святы́м Ду́хом, во еди́ном Божестве́, и си́ле, и вла́сти озари́хомся.
Ты у́бо О́тчее сия́ние, существа́ и естества́ Его́ неизме́нное и недви́жимое начерта́ние, исто́чниче прему́дрости и благода́ти, отве́рзи и мне гре́шному устне́, и научи́ мя, ка́ко досто́ит, и о и́хже потре́ба моли́тися, Ты бо еси́ ве́дый мно́гое грехо́в мои́х мно́жество, но Твое́ благоутро́бие победи́т сих безме́рное.
Се бо стра́хом предстою́ Ти, в пучи́ну ми́лости Твоея́ отча́яние души́ моея́ пове́рг, окорми́ живо́т мой сло́вом всю тварь неизрече́нною прему́дрости си́лою управля́яй, ти́хое обурева́емых приста́нище, и скажи́ ми путь, во́ньже пойду́.
Дух прему́дрости Твоея́ мои́м пода́ждь помышле́нием, Дух ра́зума безу́мию моему́ да́руяй, Ду́хом стра́ха Твоего́ моя́ осени́ дела́, и Дух Пра́вый обнови́ во утро́бе мое́й, и Ду́хом Влады́чним мы́слей мои́х поползнове́ние утверди́, да на всяк день Ду́хом Твои́м Благи́м к поле́зному наставля́емь, сподо́блюся твори́ти за́поведи Твоя́, и Твое́ при́сно па́мятствовати сла́вное прише́ствие, и истяза́тельное соде́янных на́ми.
И да не пре́зриши мя тле́нными сопрельща́тися ми́ра сего́ кра́сными, но бу́дущих восприя́тия жела́ти укрепи́ сокро́вищ. Ты бо рекл еси́, Влады́ко, я́ко ели́ка а́ще кто про́сит о Твое́м и́мени, невозбра́нно прие́млет от Твоего́ присносу́щнаго Бо́га и Отца́. Те́мже и аз гре́шный в прише́ствии Свята́го Твоего́ Ду́ха, Твою́ молю́ бла́гость, ели́ка проси́х, возда́ждь ми во спасе́ние.
Ей Го́споди, вся́каго благодея́ния бога́тый да́телю, и пода́телю Благи́й, я́ко Ты еси́ подава́яй преизоби́льно и́хже про́сим, Ты еси́ сострада́телен и ми́лостивый, И́же безгре́шно быв пло́ти на́шея о́бщник, и приклоня́ющим к Тебе́ коле́на, приклоня́яйся любоблагоутро́бне, очище́ние же быв грехо́в на́ших.
Даждь у́бо Го́споди, лю́дем Твои́м щедро́ты Твоя́, услы́ши нас с небесе́ свята́го Твоего́, освяти́ нас си́лою спаси́тельныя десни́цы Твоея́, покры́й нас кро́вом крилу́ Твое́ю, да не пре́зриши дел руку́ Твое́ю.
Тебе́ еди́ному согреша́ем, но и Тебе́ еди́ному слу́жим. Не ве́мы кла́нятися бо́гу чужде́му, ниже́ простира́ти ру́ки на́ша, Влады́ко, к бо́гу ино́му.
Оста́ви нам согреше́ния, и прии́м на́ша коленопокло́нная моле́ния, простри́ всем нам ру́ку по́мощи, приими́ моли́тву всех я́ко кади́ло прия́тное, восприе́млемое пред Твои́м преблаги́м Ца́рством.
Перевод: Господи Иисусе Христе Боже наш, сообщивший людям мир Твой и дар Всесвятого Духа, ещё в земной Своей жизни и находясь с нами, всегда подавая это верным в наследие неотъемлемое, но особенно явно в сей день ниспославший эту благодать Своим ученикам и Апостолам и вооруживший огненными языками уста их. Чрез них и мы, весь род человеческий, богопознание на собственном наречии своими ушами услышав и восприняв, озарились светом Духа, и от заблуждения, как из тьмы избавились, и через раздаяние и сверхъестественное действие ощутимых чувствами и огненных языков, вере в Тебя научились и просветились к признанию Тебя Богом со Отцом и Святым Духом во едином Божестве, и силе, и власти. Ты, сияние Отца, неизменное и непоколебимое начертание существа и природы Его, источник мудрости и благодати, открой и мне грешному уста и научи меня, как следует и о чём нужно молиться. Ты ведь знаешь великое множество грехов моих, но Твоё милосердие победит их неизмеримость.
Ибо вот, я со страхом стою пред Тобою, повергнув в пучину милости Твоей отчаяние души моей: направь, как кормчий жизнь мою, одним словом всё творение неизреченною силою мудрости Твоей направляющий, тихая пристань носимых бурей, и укажи мне путь, по которому мне идти. Дух мудрости Твоей сообщи моим помышлениям, Дух разума безрассудству моему даруя; Духом страха пред Тобою дела мои осени, Дух правый обнови во внутренности моей и Духом владычественным укрепи шаткость моего образа мыслей, чтобы, Духом Твоим благим к полезному направляемый, я удостоился каждый день исполнять заповеди Твои и всегда помнить Твоё славное и обличительное для сделанного нами пришествие.
И не попусти мне прельщаться гибнущими радостями мира сего, но укрепи нас к желанию наслаждения будущими сокровищами. Ты ведь сказал, Владыка, что чего бы ни попросил кто во имя Твоё, беспрепятственно получит от Твоего совечного Бога и Отца; поэтому и я, грешный, в день пришествия Святого Твоего Духа умоляю Твою благость: чего бы я не попросил, подай мне во спасение! Да, Господи, щедро благотворительный и благой Податель всякого благодеяния, так как Ты преизобильно подаёшь, чего мы просим! Ты – сострадательный, милостивый, ставший причастным безгрешно плоти нашей, и к преклоняющим пред Тобою колена склоняющийся любвеобильно, и сделавшийся умилостивлением за грехи наши! Прояви же, Господи, милосердие Своё к народу Твоему, услышь нас с неба святого Своего, освяти нас силою спасительной десницы Своей, покрой нас под кровом крыл Своих: да не презришь дел рук Своих. Пред Тобою одним мы согрешаем, но и Тебе одному служим.
Не умеем кланяться богу чужому, ни простирать руки наши, Владыка, к богу иному. Прости нам согрешения и, приняв наши коленопреклоненные моления, простри всем нам руку помощи, прими молитву всех, как приятное каждение, принимаемое пред Твоим преблагим Царством.
Ко второй молитве присоединяется еще эта
Го́споди Го́споди, избавле́й нас от вся́кия стрелы́ летя́щия во дни. Изба́ви нас и от вся́кия ве́щи во тьме преходя́щия. Приими́ же́ртву вече́рнюю рук на́ших воздея́ния. Сподо́би же нас и нощно́е по́прище без поро́ка прейти́ неискуше́ны от злых. И изба́ви нас от вся́каго смуще́ния и боя́зни, я́же от диа́вола нам прибыва́ющия.
Да́руй душа́м на́шим умиле́ние, и помысло́м на́шим попече́ние, е́же на стра́шнем и пра́веднем Твое́м суде́ испыта́ния. Пригвозди́ стра́ху Твоему́ пло́ти на́ша, и умертви́ у́ды на́ша су́щия на земли́. Да и со́нным безмо́лвием просвети́мся, зре́нием суде́б Твои́х.
Отыми́ же от нас вся́кое мечта́ние неподо́бное и по́хоть вре́дну. Возста́ви же нас во вре́мя моли́твы утвержде́ны в ве́ре, и преспева́ющия в за́поведех Твои́х.
Перевод: Господи, Господи, избавивший нас от всякой стрелы, летящей днём, избавь нас и от всякой опасности, во мраке блуждающей, прими жертву вечернюю, – рук наших возношения. Удостой же нас и путь ночной непорочно пройти не испытав зла, и избавь нас от всякого смущения и боязни, случающихся с нами от диавола. Даруй душам нашим сокрушение и мыслям нашим попечение о испытании на суде Твоём, страшном и праведном. Пригвозди страхом пред Тобою плоть нашу и умертви земные члены наши, чтобы мы и в сонном безмолвии просвещались созерцанием судов Твоих. Удали же от нас всякое мечтание непристойное и пагубное вожделение и подними нас в час молитвы утвержденными в вере и преуспевающими в исполнении повелений Твоих.
По малой ектении молитва третья
Приснотеку́щий, живо́тный, и просвети́тельный исто́чниче, соприсносу́щная Отцу́ соде́тельная си́ло, все смотре́ние за спасе́ние челове́ческое прекра́сне испо́лнивый, Христе́ Бо́же наш, сме́рти у́зы неразреши́мыя, и закле́пы а́довы расто́ргнувый, лука́вых же духо́в мно́жество попра́вый. Приведы́й Себе́ о нас непоро́чное заколе́ние, и те́ло да́вый пречи́стое в же́ртву, вся́каго греха́ неприкоснове́нное же и непрохо́дное, и стра́шным сим, и неисповеди́мым священноде́йствием живо́т нам ве́чный дарова́вый, во ад сше́дый, и вереи́ ве́чныя сокруши́вый, и во тме седя́щим восхо́д показа́вый, началозло́бнаго же и глуби́ннаго зми́я богому́дростным льще́нием улови́вый, и вери́гами мра́ка связа́вый в та́ртаре и огни́ негаси́мом, и во тме кроме́шней неисчетноси́льною Твое́ю затверди́вый кре́постию, великоимени́тая Прему́дросте О́тчая, напа́ствуемым вели́кий помо́щник яви́выйся, и просвети́вый седя́щия во тме и се́ни сме́ртней.
Ты сла́вы присносу́щныя Го́споди, и Отца́ Вы́шняго Сы́не возлю́бленный, присносу́щный Све́те от присносу́щнаго Све́та, Со́лнце пра́вды, услы́ши нас, моля́щихся Тебе́, и упоко́й ду́ши рабо́в Твои́х, пре́жде усо́пших оте́ц и бра́тий на́ших, и про́чиих сро́дник по пло́ти, и всех свои́х в ве́ре, о ни́хже и па́мять твори́м ны́не, я́ко в Тебе́ всех держа́ва, и в руце́ Твое́й содержи́ши вся концы́ земли́.
Влады́ко Вседержи́телю, Бо́же оте́ц и Го́споди ми́лости, ро́да сме́ртнаго же и безсме́ртнаго, и вся́каго естества́ челове́ческаго Соде́телю, составля́емаго же, и па́ки разреша́емаго, живота́ же и сконча́ния, е́же зде пребыва́ния, и е́же та́мо преложе́ния, ле́та измеря́яй живы́м, и времена́ уставля́яй сме́рти, низводя́й во ад и возводя́й, связу́яй в не́мощи, и отпуща́яй в си́ле, настоя́щая потре́бне стро́яй, и бу́дущая поле́зно управля́яй, сме́ртным жа́лом уя́звенных воскресе́ния наде́ждами веселя́яй.
Сам у́бо Влады́ко всех, Бо́же Спаси́телю наш, наде́жде всех конце́в земли́, и су́щих в мо́ри дале́че, И́же и в сей после́дний и вели́кий спаси́тельный день Пятдеся́тницы пра́здника, та́йну Святы́я и Единосу́щныя, и соприсносу́щныя, и нераздели́мыя, и неслия́нныя Тро́ицы показа́вый нам, и наи́тие и прише́ствие Свята́го и Животворя́щаго Твоего́ Ду́ха, в ви́де о́гненных язы́ков на святы́я Твоя́ апо́столы излия́вый, и благове́стники тех поста́вивый, благочести́выя на́шея ве́ры, и испове́дники и пропове́дники и́стиннаго богосло́вия показа́вый.
И́же и в сей всесоверше́нный и спаси́тельный пра́здник, очище́ния у́бо моли́твенная, о и́же во а́де держи́мых сподо́бивый приима́ти, вели́кия же подава́яй нам наде́жды ослабле́ния содержи́мым от содержа́щих я́ скверн, и утеше́нию Тобо́ю низпосла́тися. Услы́ши нас, смире́нных, и Твои́х раб моля́щихся Ти, и упоко́й ду́ши рабо́в Твои́х, пре́жде усо́пших, на ме́сте све́тле, на ме́сте зла́чне, на ме́сте прохлажде́ния, отону́дуже отбеже́ вся́кая боле́знь, печа́ль и воздыха́ние и учини́ ду́хи их в селе́ниях пра́ведных, и ми́ра и ослабле́ния сподо́би их, я́ко не ме́ртвии восхва́лят Тя, Го́споди, ниже́ су́щии во а́де испове́дание дерзну́т принести́ Тебе́, но мы, живи́и, благослови́м Тя и мо́лим, и очисти́тельныя моли́твы и же́ртвы прино́сим Тебе́ о душа́х их.
Перевод: Неиссякаемо текущий, животворный и просветительный Источник, совечная Отцу созидательная Сила, всё домостроительство о спасении людей прекрасно совершивший, Христе Боже наш, расторгший неразрешимые узы смерти и запоры ада, множество же злых духов поправший, приведший Себя Самого в непорочное заклание за нас, давший в жертву пречистое тело Своё, ни для какого греха неприкосновенное и недоступное, и этим страшным и неизъяснимым священнодействием жизнь вечную нам даровавший; во ад сошедший и засовы вечные сокрушивший, а сидящим во тьме путь для возвращения оттуда указавший; зачинщика же зла, змия глубинного богомудрою приманкою поймавший, и оковами мрака в тартаре его связавший, и в огне неугасимом и во тьме внешней беспредельно могучей силою Твоею заключивший; великоименитая Премудрость Отца, явившийся великим Помощником для подвергающихся нападениям, просветивший сидевших во тьме и тени смертной. Ты, Господь славы неиссякающей и Отца всевышнего Сын возлюбленный, вечный Свет от вечного Света, Солнце правды, услышь нас молящихся Тебе, и упокой души рабов Твоих, прежде усопших отцов и братьев наших, и иных родственников по плоти, и всех своих по вере, о которых мы ныне и совершаем воспоминание, так как у Тебя власть над всем и Ты в руке Своей держишь все пределы земли.
Владыка Вседержитель, Боже отцов и Господи милости, Создатель рода смертного, как и бессмертного, и всякой природы человеческой, составляемой и снова распадающейся; Создатель жизни, как и кончины, пребывания здесь и преставления туда, отмеривающий годы живым и устанавливающий время смерти, низводящий во ад и выводящий оттуда, связывающий немощью и освобождающий со властью, устраивающий настоящее по нуждам всех и будущее к пользе направляющий; поражённых жалом смерти оживляющий надеждами на воскресение! Сам Владыка всего, Боже Спаситель наш, надежда всех концов земли и тех, кто далеко в море, Ты и в этот последний, и великий и спасительный день Пятидесятницы тайну святой, и единосущной, и совечной, и нераздельной и неслиянной Троицы открывший нам, и пришествие и явление святого и животворящего Твоего Духа в виде огненных языков на святых Своих Апостолов изливший, и сделавший их благовестниками благочестивой нашей веры, и явивший исповедниками и провозвестниками истинного богословия; Ты и в этот завершающий и спасительный праздник благоволивший принимать умилостивительные мольбы за удерживаемых во аде и подающий нам великие надежды на ниспослание усопшим облегчения от удручающих их скорбей и утешения от Тебя! Услышь нас, смиренных и нуждающихся в Твоем сострадании, и упокой души рабов Твоих прежде усопших в месте светлом, в месте блаженном, в месте отрадном, откуда удалились всякая боль, скорбь и стенание, и водвори духи их в обителях праведных, и мира и облегчения удостой их, потому что не мёртвые восхвалят Тебя, Господи, и не те, кто во аде дерзают приносить Тебе исповедание, но мы живые благословляем Тебя и молим и умилостивительные молитвы и жертвы приносим Тебе за души их.
К третьей молитве присоединяется еще эта
Бо́же вели́кий, и ве́чный, Святы́й, человеколюби́вый, сподо́бивый нас в сей час ста́ти пред непристу́пною Твое́ю сла́вою, на пе́ние и хвалу́ чуде́с Твои́х, очи́сти ны недосто́йныя рабы́ Твоя́, и пода́ждь благода́ть е́же сокруше́нным се́рдцем, невозноси́тельно приноси́ти Тебе́ Трисвято́е славосло́вие, и благодаре́ние вели́ких Твои́х даро́в, я́же сотвори́л еси́ к нам, и твори́ши всегда́ в нас.
Помяни́ Го́споди не́мощь на́шу, и да не погуби́ши нас со беззако́нии на́шими, но сотвори́ вели́кую ми́лость со смире́нием на́шим, да грехо́вныя тмы избежа́вше, во дни пра́вды ходи́ти бу́дем, и оде́явшеся ору́жием све́та, ненаве́тно пребу́дем от вся́кия ко́зни лука́ваго, и со дерзнове́нием просла́вим о всех, Тебе́ еди́наго и́стиннаго и Человеколю́бца Бо́га.
Твое́ бо я́ко вои́стинну и вели́кое вре́сноту та́инство, Влады́ко всех, и Тво́рче, вре́менное реше́ние Твои́х тва́рей, и е́же по сих совокупле́ние, и упокое́ние е́же во ве́ки.
Тебе́ благода́ть о всех испове́дуем, о вхо́дех на́ших, я́же в мир сей, и исхо́дех, наде́жды нам воскресе́ния, и жизни нетле́нныя, Твои́м нело́жным обеща́нием предобруча́ют, я́же прии́мем в бу́дущем второ́м прише́ствии Твое́м. Ты бо еси́ и воскресе́ния на́шего Нача́льник, и пожи́вших неумы́тный и человеколюби́вый Судия́, и мздовоздая́ния Влады́ка и Госпо́дь, И́же и приобщи́выйся нам прии́скренно пло́ти и кро́ве, снизхожде́ния ра́ди кра́йняго, и на́ша стра́сти неотме́тныя, внегда́ во́лею во иску́с поста́вити, прии́м за милосе́рдие щедро́т, и в не́мже пострада́л еси́ Сам искуси́вся, искуша́емым нам быв самообеща́нный помо́щник, те́мже и совозве́л еси́ нас в Твое́ безстра́стие.
Приими́ у́бо Влады́ко, мольбы́ и моле́ния на́ша, и упоко́й вся отцы́ коего́ждо, и ма́тери, и ча́да, и бра́тию, и сестры́ единоро́дныя, и купноро́дныя, и вся пре́жде почи́вшия ду́ши, в наде́жди воскресе́ния жи́зни ве́чныя учини́ ду́хи их, и имена́ в кни́зе живо́тней, в не́дрех Авраа́ма, и Исаа́ка, и Иа́кова, в стране́ живы́х, в Ца́рствии Небе́снем, в раи́ сла́дости, све́тлыми а́нгелы Твои́ми, вводя́ вся во святы́я Твоя́ оби́тели, совоздвиза́яй и телеса́ на́ша в день, во́ньже определи́л еси́ по святы́м Твои́м и нело́жным обетова́нием.
А́ще же и что согреши́хом к Тебе́, ми́лостив бу́ди нам же и тем, зане́ ниеди́н есть чист пред Тобо́ю от скверн, ниже́ а́ще еди́н день живота́ его́ есть, ра́зве Ты то́чию еди́н, на земли́ яви́выйся безгре́шный Госпо́дь наш Иису́с Христо́с, И́мже вси упова́ем ми́лость получи́ти, и оставле́ние грехо́в.
Сего́ ра́ди нам же и о́нем, я́ко Благ и Человеколю́бец Бог, осла́би, оста́ви, прости́ грехопаде́ния на́ша, во́льная и нево́льная, я́же в ве́дении и не в ве́дении, предъявле́нная и забыва́емая, я́же в дея́нии, я́же в помышле́нии, я́же в словеси́, я́же во всех на́ших жития́х и движе́ниих.
И отше́дшим у́бо свобо́ду и осла́бу да́руй, нас же су́щих зде благослови́, коне́ц благи́й и ми́рный да́руя нам же и всем лю́дем Твои́м, и ми́лости и человеколю́бия утро́бу отверза́яй нам, на стра́шном и ужа́сном Твое́м прише́ствии, и Ца́рствия Твоего́ досто́йных нас сотвори́.
Перевод: Боже великий и вечный, святой и человеколюбивый, удостоивший нас и в этот час стать пред неприступною Твоею славою для пения и хвалы чудес Твоих! Умилосердись над нами, недостойными рабами Твоими, и подай благодать с сокрушенным сердцем без колебаний приносить Тебе трисвятое славословие и благодарение за великие Твои дары, которые Ты совершил и всегда совершаешь для нас.
Вспомни, Господи, немощь нашу и не погуби нас с беззакониями нашими, но сотвори великую милость Твою со смирением нашим, чтобы, избежав тьмы греха, мы ходили во дне правды и, облекшись в доспехи света, пребывали огражденными от всяких вредоносных козней лукавого и со дерзновением прославили за всё Тебя, единого истинного и человеколюбивого Бога. Ибо как воистину и подлинно велико, Владыка всего и Творец, Твоё таинство: и распадение на время Твоих творений, и после этого соединение и упокоение на веки! Воздаем Тебе благодарность за всё: за вступление наше в этот мир и за исхождение из него, которое, по Твоему неложному обещанию, укрепляет в нас надежды наши на воскресение и нетленную жизнь, которой мы насладимся во второе будущее пришествие Твоё.
Ибо Ты – и воскресения нашего Предначинатель, и неподкупный и человеколюбивый Судия живших, и Владыка и Господь воздаяния, и Тот, Кто стал подобно нам причастным плоти и крови по крайнему снисхождению, и наши невинные страсти, благоволив добровольно их испытать, принял по глубокому Своему милосердию, и в том, что претерпел Сам, быв искушён, нам, искушаемым, сделался добровольным помощником, поэтому и привёл нас всех вместе в Своё бесстрастие. Прими же, Владыка, мольбы и моления наши и упокой всех отцов, у каждого из нас, и матерей, и братьев, и сестёр, и детей, и иных родных и единоплеменных, и все души, прежде почившие в надежде на воскресение и жизнь вечную, и помести духи их и имена в книге жизни, на лоне Авраама, Исаака и Иакова, в стране живых, в Царстве Небесном, в раю сладостном, вводя всех их посредством светлых Ангелов Твоих в святые Твои обители, воскрешая вместе и тела наши в день, который Ты назначил, по святым Твоим и неложным обещаниям.
К третьей молитве присоединяется еще одна
Бо́же вели́кий и вы́шний, еди́не име́яй безсме́ртие, во све́те живы́й непристу́пном, всю тварь му́дростию созда́вый, раздели́вый посреде́ све́та, и посреде́ тмы. И со́лнце у́бо положи́вый во о́бласть дне, луну́ же и зве́зды во о́бласть но́щи.
Сподо́бивый нас, гре́шных, и в настоя́щий день предвари́ти лице́ Твое́ во испове́дании, и вече́рнюю Тебе́ слу́жбу принести́. Сам Челове́колю́бче Го́споди, испра́ви моли́тву на́шу, я́ко кади́ло пред Тобо́ю, и приими́ ю́ в воню́ благоуха́ния.
Пода́ждь же нам настоя́щий ве́чер и приходя́щую нощь ми́рну, облецы́ ны ору́жием све́та, изба́ви нас от стра́ха нощна́го, и от вся́кия ве́щи во тме преходя́щия. И да́руй нам сон, и́же во упокое́ние не́мощи на́шей дарова́л еси́, от вся́каго диа́вольскаго мечта́ния измене́н.
Ей Влады́ко, всех благи́х пода́телю, я́ко да и на ло́жах на́ших умиля́ющеся воспомя́нем и в нощи́ пресвято́е и́мя Твое́. И поуче́нием Твои́х за́поведей озаря́еми, в ра́дости душе́вной воста́нем к славосло́вию Твоея́ бла́гости, моли́твы и моле́ния Твоему́ благоутро́бию принося́ще о свои́х гресе́х, и о всех лю́дех Твои́х, и́хже моли́твами Пресвяты́я Богоро́дицы, в ми́лости посети́.
Перевод: Боже великий и вышний, один имеющий бессмертие, живущий во свете неприступном, всё творение создавший премудро, отделивший свет от тьмы и солнце поставивший для управления днём, луну же и звезды – для управления ночью, удостоивший нас, грешных, и в нынешний час предстать лицу Твоему с хвалою и вечернее славословие Тебе принести! Сам, человеколюбивый Господи, направь молитву нашу, как фимиам, пред лицо Твоё, прими её как благоухание приятное; подай же нам нынешний вечер и наступающую ночь мирные, облеки нас в доспехи света, избавь нас от страха ночного и от всякой опасности во мраке блуждающей, и сон, который Ты даровал для подкрепления немощей наших, соделай всякому диавольскому наваждению непричастным. Да, Владыка всего, благ Податель, – чтобы и на ложах наших сокрушаясь, мы вспоминали ночью имя Твоё и, размышлением о Твоих заповедях просвещаемые, встали в радости души для славословия Твоей благости, моления и молитвы Тебе, милосердному, принося о согрешениях своих и всех людей Твоих, которых Ты, по молитвам святой Богородицы, милостиво посети.