В збрáнной Воевóде победи́тельная, я́ко избáвльшеся от злых, благодáрственная воспису́ем Ти раби́ Твои́, Богорóдице; но я́ко иму́щая держáву непобеди́мую, от вся́ких нас бед свободи́, да зовéм Ти: рáдуйся, Невéсто Неневéстная.
Икос 1
А нгел предстáтель с небесé пóслан бысть рещи́ Богорóдице: рáдуйся, и со безплóтным глáсом воплощáема Тя зря, Гóсподи, ужасáшеся и стоя́ше, зовы́й к Ней таковáя: Рáдуйся, Еюже рáдость возсия́ет; рáдуйся, Еюже кля́тва исчéзнет. Рáдуйся, падшаго Адама воззвание; рáдуйся, слез Евиных избавлéние. Рáдуйся, высотó неудобовосходи́мая человéческими пóмыслы; рáдуйся, глубинó неудобозри́мая и áнгельскима очи́ма. Рáдуйся, я́ко еси́ Царéво седáлище; рáдуйся, я́ко нóсиши Нося́щаго вся. Рáдуйся, Звездó, явля́ющая; рáдуйся, утрóбо Божéственнаго воплощéния. Рáдуйся, Еюже обновля́ется тварь; рáдуйся, Еюже покланя́емся Творцу́. Рáдуйся, Невéсто Неневéстная.
Кондак 2
В и́дящи Святáя Себé в чистотé, глагóлет Гаврии́лу дéрзостно: преслáвное твоегó глáса неудобоприя́тельно души́ Моéй явля́ется: безсéменнаго бо зачáтия рождествó кáко глагóлеши, зовы́й: Аллилу́иа.
Икос 2
Р áзум недоразумевáемый разумéти Дéва и́щущи, возопи́ к служáщему: из боку́ чи́сту, Сы́ну кáко есть роди́тися мóщно, рцы Ми? К Нéйже он речé со стрáхом, обáче зовый сице: Рáдуйся, совéта неизречéннаго Таи́ннице; рáдуйся, молчáния прося́щих вéро. Рáдуйся, чудéс Христóвых начáло; рáдуйся, велéний Егó глави́зно. Рáдуйся, лéствице небéсная, Еюже сни́де Бог; рáдуйся, мóсте, преводя́й су́щих от земли́ на нéбо. Рáдуйся, Ангелов многослову́щее чу́до; рáдуйся, бесóв многоплачéвное поражéние. Рáдуйся, Свет неизречéнно роди́вшая; рáдуйся, éже кáко, ни еди́наго же научи́вшая. Рáдуйся, прему́дрых превосходя́щая рáзум; рáдуйся, вéрных озаря́ющая смы́слы. Рáдуйся, Невéсто Неневéстная.
Кондак 3
С и́ла Вы́шняго осени́ тогдá к зачáтию Браконеиску́сную, и благоплóдная Тоя́ ложеснá, я́ко селó показá слáдкое, всем хотя́щим жáти спасéние, внегдá пéти си́це: Аллилу́иа.
Икос 3
И му́щи Богоприя́тную Дéва утрóбу, востечé ко Елисавéти: младéнец же óноя áбие познáв Сея́ целовáние, рáдовашеся, и игрáньми я́ко пéсньми вопия́ше к Богорóдице: Рáдуйся, óтрасли неувядáемыя рóзго; рáдуйся, Плодá безсмéртнаго стяжáние. Рáдуйся, Дéлателя дéлающая Человеколю́бца; рáдуйся, Сади́теля жи́зни нáшея рóждшая. Рáдуйся, ни́во, растя́щая гобзовáние щедрóт; рáдуйся, трапéзо, нося́щая оби́лие очищéния.
С трáнное рождествó ви́девше, устрани́мся ми́ра, ум на небесá прелóжше: сегó бо рáди высóкий Бог на земли́ яви́ся смирéнный человéк, хотя́й привлещи́ к высотé Тому́ вопию́щия: Аллилу́иа.
Икос 8
В есь бе в ни́жних и вы́шних никáкоже отступи́ неопи́санное Слóво: снизхождéние бо Божéственное, не прехождéние же мéстное бысть, и рождествó от Дéвы Богоприя́тныя, слы́шащия сия́: Рáдуйся, Бóга невмести́маго вмести́лище; рáдуйся, честнáго тáинства двéри. Рáдуйся, невéрных сумни́тельное слы́шание; рáдуйся, вéрных извéстная похвалó. Рáдуйся, колесни́це пресвятáя Су́щаго на Херуви́мех; рáдуйся, селéние преслáвное Су́щаго на Серафи́мех. Рáдуйся, проти́вная в тóжде собрáвшая; рáдуйся, дéвство и рождествó сочетáвшая. Рáдуйся, Еюже разреши́ся преступлéние; рáдуйся, Еюже отвéрзеся рай. Рáдуйся, ключу́ Цáрствия Христóва; рáдуйся, надéждо благ вéчных. Рáдуйся, Невéсто Неневéстная.
Кондак 9
В ся́кое естествó áнгельское удиви́ся вели́кому Твоегó вочеловéчения дéлу: непристу́пнаго бо я́ко Бóга, зря́ше всем присту́пнаго Человéка, нам у́бо спребывáюща, слы́шаща же от всех: Аллилу́иа.
Икос 9
В ети́я многовещáнныя, я́ко ры́бы безглáснии ви́дим о Тебé, Богорóдице, недоумевáют бо глагóлати, éже кáко и Дéва пребывáеши, и роди́ти возмоглá еси́. Мы же, тáинству дивя́щеся, вéрно вопиéм: Рáдуйся, прему́дрости Бóжия прия́телище; рáдуйся, промышлéния Егó сокрóвище. Рáдуйся, любому́дрыя нему́дрыя явля́ющая; рáдуйся, хитрословéсныя безсловéсныя обличáющая. Рáдуйся, я́ко обуя́ша лю́тии взыскáтеле; рáдуйся, я́ко увядóша баснотвóрцы. Рáдуйся, афинéйская плетéния растерзáющая; рáдуйся, рыбáрския мрéжи исполня́ющая. Рáдуйся, из глубины́ невéдения извлачáющая; рáдуйся, мнóги в рáзуме просвещáющая. Рáдуйся, кораблю́ хотя́щих спасти́ся; рáдуйся, пристáнище житéйских плáваний. Рáдуйся, Невéсто Неневéстная.
Кондак 10
С пасти́ хотя́ мир, Иже всех Украси́тель, к сему́ самообетовáн прии́де, и Пáстырь сый, я́ко Бог, нас рáди яви́ся по нам Человéк: подóбным бо подóбное призвáв, я́ко Бог слы́шит: Аллилу́иа.
Икос 10
С тенá еси́ дéвам, Богорóдице Дéво, и всем к Тебé прибегáющим: и́бо небесé и земли́ Творéц устрóи Тя, Пречи́стая, всéлься во утрóбе Твоéй, и вся приглашáти Тебé научи́: Рáдуйся, стóлпе дéвства; рáдуйся, дверь спасéния. Рáдуйся, начáльнице мы́сленнаго наздáния; рáдуйся, подáтельнице Божéственныя блáгости. Рáдуйся, Ты бо обнови́ла еси́ зачáтыя сту́дно; рáдуйся, Ты бо наказáла еси́ окрáденныя умо́м. Рáдуйся, тли́теля смы́слов упраждня́ющая; рáдуйся, Сéятеля чистоты́ рóждшая. Рáдуйся, чертóже безсéменнаго уневéщения; рáдуйся, вéрных Гóсподеви сочетáвшая. Рáдуйся, дóбрая млáдопитательнице дéвам; рáдуйся, невестокраси́тельнице душ святы́х. Рáдуйся, Невéсто Неневéстная.
Кондак 11
П éние вся́кое побеждáется, спрострéтися тщáщееся ко мнóжеству мнóгих щедрóт Твои́х: равночи́сленныя бо пескá пéсни áще принóсим Ти, Царю́ Святы́й, ничтóже совершáем достóйно, я́же дал еси́ нам, Тебé вопию́щим: Аллилу́иа.
Б лагодáть дáти восхотéв, долгóв дрéвних, всех долгóв Реши́тель человéком, прии́де Собóю ко отшéдшим Тогó благодáти, и раздрáв рукописáние, слы́шит от всех си́це: Аллилу́иа.
Э тот кондак читается трижды, затем 1-й икос: А нгел предстáтель. и 1-й кондак: В збрáнной Воевóде.
Икос 1
А нгел предстáтель с небесé пóслан бысть рещи́ Богорóдице: рáдуйся, и со безплóтным глáсом воплощáема Тя зря, Гóсподи, ужасáшеся и стоя́ше, зовы́й к Ней таковáя: Рáдуйся, Еюже рáдость возсия́ет; рáдуйся, Еюже кля́тва исчéзнет. Рáдуйся, падшаго Адама воззвание; рáдуйся, слез Евиных избавлéние. Рáдуйся, высотó неудобовосходи́мая человéческими пóмыслы; рáдуйся, глубинó неудобозри́мая и áнгельскима очи́ма. Рáдуйся, я́ко еси́ Царéво седáлище; рáдуйся, я́ко нóсиши Нося́щаго вся. Рáдуйся, Звездó, явля́ющая; рáдуйся, утрóбо Божéственнаго воплощéния. Рáдуйся, Еюже обновля́ется тварь; рáдуйся, Еюже покланя́емся Творцу́. Рáдуйся, Невéсто Неневéстная.
Кондак 1
В збрáнной Воевóде победи́тельная, я́ко избáвльшеся от злых, благодáрственная воспису́ем Ти раби́ Твои́, Богорóдице; но я́ко иму́щая держáву непобеди́мую, от вся́ких нас бед свободи́, да зовéм Ти: рáдуйся, Невéсто Неневéстная.
Возбранный Воеводо и Господи, человеческаго естества дивный Создателю, услыши наша моления с высоты Престола Славы Твоея:
Иисусе, Врачу Всемогущий, исцели души и телеса наша.
Икос 1
Архангел и Ангел множество на служение Себе сотворивый, человека для наследия Царствия Небеснаго из персти земныя воздвигл еси и его же более всего возлюбил еси, Всемилостивый Господи. Мы же, познавая любы Твою неизреченную, яко чада Твоя, взываем Ти:
Иисусе, в чудный свет нас воззвавший, дай нам вечно с Тобой пребывати.
Иисусе, быть сынами Творца нас призвавший, дай нам присно Его воспевати.
Иисусе, от грехов нам подай исцеление, в коих мы запятнали себя.
Иисусе, в день всеобщаго воскресения дай нам стать одесную Тебя.
Иисусе, Врачу Всемогущий, исцели души и телеса наша.
Кондак 2
Видев погибель всего рода человеческого, восхотел еси, Отче, спасти е, тако бо возлюби мир, яко и Сына Своего Единороднаго, Иисуса Христа, послати изволил еси нам во спасение, Ему же поем: Аллилуиа.
Икос 2
Разумом небесным творение Свое наделил еси, Всеблагий Господи, да достойно Тебе песнь хвалы и благодарения воспевая, во Царствии Твоем Небеснем пребывает. Мы же, грехми порабощенныя, в немощи разума своего пребываем. Тем же молим Тя, скудоумие наше благодатию Своею восполни, да познаем, яко есмы подобие Твое, и достойными чадами Твоими будем. Сего ради приими от нас моления сия:
Иисусе, сотворивый телеса наша, воеже им быти храмами Божиими, очисти их от всякия скверны.
Иисусе, в телеса наша дух жизни вдохнувый, паки Духом Святым освяти я.
Иисусе, души наша безсмертными создавый, от грехов смертных избави ны.
Иисусе, разумом светлым нас наделивый, изгони тьму из сердец наших.
Иисусе, Врачу Всемогущий, исцели души и телеса наша.
Кондак 3
Силою Божественною укрепляемии, не отчаяваем своего спасения, многогрешнии, обаче на Тебе Единаго надежду возлагая, умиленно поем Ти: Аллилуиа.
Икос 3
Имея безмерное благоутробие, вниди в сердца наша и жилище их Себе сотвори, да пребывая купно с Тобою, познаем всею душею и всем помышлением своим, яко Ты еси Бог кающихся и вся Тебе возможна суть. Темже вопием Ти таковая:
Иисусе, сотворивый очеса наша, даждь нам ними в чистоте на Тя взирати.
Иисусе, сотворивый ушеса наша, даждь нам ними сладостный глас Твой слышати.
Иисусе, сотворивый уста наша, даждь нам ними неустанно Тебе восхваляти.
Иисусе, сотворивый вся чувства наша, дождь нам ними в Тебе Единем всю полноту жизни ощущати.
Иисусе, Врачу Всемогущий, исцели души и телеса наша.
Кондак 4
Бурями скорбей истомленныя, к Твоему Божественному заступлению притекаем, Спасе наш. Укрепи слабыя силы наша, да возможем остаток жизни нашея крест свой безропотно нести, восхваляя Тебя: Аллилуиа.
Икос 4
Слыша бесконечныя рыдания наша, яко другом Твоим реки нам, Господи: «Не плачите, возлюбленнии Мои, не оставлю бо вас без попечения Своего, но паки исцелю вас от всякия болезни и скорби». Сего ради, обетованием таковым обрадовании, взываем Ти:
Иисусе, давый нам Тело Свое в пищу нетленную, насыти алчущие души наша.
Иисусе, на кресте страдавый за нас, Кровию Своею уврачуй раны душ наших.
Иисусе, Врачу Всемогущий, исцели души и телеса наша.
Кондак 5
Пребезначальней Троице покланяяся, смиренно молим Тя, Христе наш, умоли за ны грешныя Отца Своего Небеснаго, да Духа Своего Святаго не отнимет от нас, Ему же воспеваем: Аллилуиа.
Икос 5
Видя, яко паки и паки милости Своя на нас изливаеши, ихже недостойни есмы, обаче милосердием и долготерпением Твоим удивляемии, вопием Ти:
Иисусе, вемы, яко немощнии и нерадивии есмы, обаче и помощи у Тебе неустанно испрашиваем.
Иисусе, вемы, яко жестокосердии и жестоковыйнии есмы, обаче и страждем зело от недугов сиих.
Иисусе, вемы, яко паки и паки многажды пред Тобою согрешаем, обаче и слезное покаяние приносим Ти.
Иисусе, вемы, яко на пути сем падаем каждодневно, обаче и силою Твоею восстаем от падений наших.
Иисусе, Врачу Всемогущий, исцели души и телеса наша.
Кондак 6
Хотя спасти нас от погибели вечныя, Сына Своего Единороднаго за спасение наше в жертву принесл еси, Отче наш. Исцели же благодатию Своею души и телеса наша, ныне греховною проказою пораженныя, да возможем еще зде, на земли, достойно Тебе славити: Аллилуиа.
Икос 6
Возсияй свет Свой невечерний, Господи, в душах наших, да просвещении ним, во свете заповедей Твоих ходити возможем, воеже не согрешати нам пред Лицем Твоим и пети Тебе тако:
Иисусе, Любы неизреченная, любовию своею согрей хладныя сердца наша.
Иисусе, Свете тихий, немерцающим светом Своим облистай помраченныя души наша.
Иисусе, Сладосте небесная, благодатию Своею услади все естество наше.
Иисусе, Владыко всещедрый, щедротами Своими исполни жизни наша.
Иисусе, Врачу Всемогущий, исцели души и телеса наша.
Кондак 7
Хотя проявити величие любве и милосердия Твоего, Господи, на земли Плотию Своею пребывая, многия грешники и мытари к покаянию привел еси. Мы же, яко мытарь вопием Ти: «Боже, милостив буди нам грешным!», и надеяся на велие милосердие Твое, взываем: Аллилуиа.
Икос 7
Новую показал еси на нас тварь, Иисусе, егда крещением Твоим от первороднаго греха нас избавил еси. За таковое благоволение Твое к роду нашему, восхваляем Тя:
Иисусе, славим неизреченное человеколюбие Твое.
Иисусе, восхваляем велие милосердие Твое.
Иисусе, ублажаем спасительныя страдания Твоя.
Иисусе, благодарим за вся щедроты Твоя.
Иисусе, Врачу Всемогущий, исцели души и телеса наша.
Кондак 8
Дивно и странно бысть нам неизреченное милосердие и попечение Твое о нас, Человеколюбче. Мы же, ведая немощи и слабости своя, со слезами молим Тя: потерпи еще на нас, Милостиве, и аще обретохом благодать пред Тобою, не мини нас, раб Твоих, вопиющих Тебе: Аллилуиа.
Икос 8
Весь желание и сладость наша Ты еси, Христе Боже наш, коими укрепляем и услаждаем души и телеса наша. Сего ради поем Ти:
Иисусе, Ты еси наша Радосте и Отрадо.
Иисусе, Ты еси наша Нежносте и Усладо.
Иисусе, Ты еси наша Славо и Укрепление.
Иисусе, Ты еси наша Сило и Заступление.
Иисусе, Врачу Всемогущий, исцели души и телеса наша.
Кондак 9
Всякое естество человеческое, исцеленное Тобою от всякия немощи и болезни, благодарно восхваляет Тя, Врачу Всемогущий, и, познавши, яко сила Божия в немощи нашея совершается, вопиет Тебе умильно: Аллилуиа.
Икос 9
Витии Боголюбивии, аще и премного глаголют о Тебе, обаче не возмогут достойно прославити велию силу чудес Твоих, Господи, имиже и кровоточивую от болезни ея исцелил еси, и Четверодневнаго Лазаря от мертвых воздвигл еси, таяжде и дщерь Иаирову со одра смертнаго паки возвел еси и еще многая исцеления сотворил еси. Мы же, все сие добре ведуще, вопием Ти сице:
Иисусе, расслабленнаго от одра воздвигший, воздвигни от грехов и души наша.
Иисусе, слепорожденному зрение отверзший, отверзи и наша очи духовныя.
Иисусе, сына вдовы Наиновой воскресивый, воскреси и наша добрая помышления.
Иисусе, Авгарю от страшныя болезни исцеление даровавый, даруй и нам исцеление от всех болезней наших.
Иисусе, Врачу Всемогущий, исцели души и телеса наша.
Кондак 10
Спасти хотяй вся верующия в Тебя, на небеса возшел еси, Христе Спасе, да уготоваеши место им во Царствии Своем. Сего ради, сподоби и нас, по смертнем отшествии нашем, обрести Отчий дом на небеси, в немже Тебе славити возможем: Аллилуиа.
Икос 10
Царю Предвечный, Иисусе Христе, спасения нашего ради восприявый плоть от Пречистыя Девы Марии, и Божеством Своим освятивший ея, такожде и наши греховныя плоти Божеством Своим освяти, да благодарно вопием Тебе таковая:
Иисусе, руцы наша очисти, да делами добрыми прославим Тя.
Иисусе, нози наша укрепи, да во след Тебе с веселием потечем.
Иисусе, мысли наша уцеломудри, да во славу Твою жизни наша поживем.
Иисусе, души наша умири, да возлюбим вся рабы Твоя.
Иисусе, Врачу Всемогущий, исцели души и телеса наша.
Кондак 11
Пение всеумиленное приносим Тебе, Сладчайший Иисусе наш, Твое велие благоволение к нам восхваляя и, покланяющеся Тебе, со смирением и любовию зовем: Аллилуиа.
Икос 11
Свет велий и Божественный возсияй в душах наших, Подателю вечныя жизни, ним же просвещаемии, достигнем Царствия Небесного и, яко апостоли на горе Фаворстей, воскликнем Тебе: «Добро нам зде быти!» Ныне же приими моления наша:
Иисусе, прости вся согрешения наша. Иисусе, приими сокрушенная покаяния наша.
Иисусе, в небесныя обители всели души наша.
Иисусе, в воскресении всеобщем преобрази телеса наша.
Иисусе, Врачу Всемогущий, исцели души и телеса наша.
Кондак 12
Благодать Твою подаждь нам, Иисусе Боже наш, юже еще зде на земли даровал еси возлюбленным учеником Твоим. Приими исповедание грехов наших, услыши воздыхания наша, ниспосли нам Духа Твоего Святаго, да очищении Ним, сподобимся звати к Тебе на земли, якоже взывают к Тебе Ангели на небеси: Аллилуиа.
Икос 12
Поюще Твое неизреченное человеколюбие, покланяемся величию дел Твоих, Христе, и с верою и любовию припадая ко стопам Твоим, яко Всемогущему Врачу душ и телес наших, вопием Ти:
Иисусе, Творче наш, сотвори нас наследники Царствия Твоего.
Иисусе, Спасе наш, спаси нас от вечныя муки.
Иисусе, Искупителю наш, от смерти в жизнь вечную искупи нас.
Иисусе, Архиерею наш, спаси вся архиереи Твоя, да на суде Твоем ходатайствуют за нас.
Иисусе, Врачу Всемогущий, исцели души и телеса наша.
Кондак 13
О, Пресладкий и Всещедрый Иисусе, воззри с любовию от Небеснаго престола Твоего на ны немощныя и изможденныя ранами душевными и телесными. Приклони милостивно слух Твой к слезным мольбам нашим и исцели ны спасительными Твоими страданьми от всякия болезни душевныя и телесныя, да восстав от болезненнаго одра нашего, в Церковь Твою Святую внидем, воспевая Тебе выну: Аллилуиа. Аллилуиа. Аллилуиа.
Сей Кондак читается трижды, затем Икос 1 и Кондак 1.
Текст акафиста и 4 молитв Всемилостивому Спасу и Пресвятой Богородице
Акафист, который Православная церковь посвящает Всемилостивому Спасу и Пресвятой Богородице, имеет большое значение для верующих христиан. В домашних условиях можно читать также тропарь, кондак, молитву. Через обращение к Господу и Богоматери верующие получают наивысшие блага – Божественную мудрость, милосердие, терпение, надежду на спасение и искупление грехов.
Значение акафиста Всемилостивому Спасу в православии
В конце лета – 1 августа (14 августа по юлианскому календарю) весь православный народ прославляет Всемилостивого Спаса и Пресвятую Богородицу. Великий праздник имеет свою славную историю. В этот день в 1164 году Андрей Юрьевич Боголюбский, княжеский сын Юрия Владимировича Долгорукого, одержал победу над армией волжских булгар, которые досаждали грабежами и разбоем ростовским и суздальским землям.
Это сражение связано с истинным чудом. Воины уповали на помощь святых и перед боем отслужили молебен Божьей Матери. Выступив строем навстречу врагу, они несли перед войском иконы со Спасителем, Пресвятой Богородицей и Честным Крестом. Свидетели события видели знамение – иконы вдруг озарились огненными яркими лучами. Воины воспряли духом, и с именем Спаса и Богоматери враг был повержен.
С 1168 года праздник первого Спаса, в честь милости Господа и Пресвятой Девы, празднуется на Руси в последний месяц лета. В этот же день, только в 988 году, свершилось Крещение Руси, в связи с чем во время празднования совершается обряд малого освещения воды. И это еще не все. С давних времен, по традиции, пчеловоды в начале августа приносили первые соты в церковь для освящения и выражения благодарности Богу за помощь в земных делах. Так к этой дате добавилось и закрепилось народное название – Медовый Спас.
Двойной праздник наполнен радостью, процветанием, Божьей благодатью. Иконы Всемилостивого Спаса и Пресвятой Богородицы находятся на почетном месте в каждом православном храме, монастыре, часовне. Андрей Юрьевич Боголюбский после кончины причислен к лику святых Русской Православной церкви.
Всемилостивому Спасу и Пресвятой Богородице посвящены акафист, молитвы, кондак, тропарь. Значение этих молитв в православии велико. Их читают перед иконами, обращаясь к святым ликам.
Полный текст молитвы на русском языке
Торжественное славословие в честь Всемилостивого Спаса и Пресвятой Богородицы христиане внимают стоя. Акафист Всемилостивому Спасу, пречудному Обновлению Его Нерукотворного Образа составлен митрополитом Никодимом (Руснаком) в 1997 году.
Кондак 1
Взбранный и неизменный Божеством,/ Отчей славы неописанное Слово, Христе Боже наш,/ иже во зраце Божией Ипостаси, Бог Сый,/ за милосердие Божественное образ миру видим явился Еси./ Сие предивное начертание Образа Твоего. Спасе,/ землю Слобожанскую, яко же Фавор иногда, пречудне облиста./Мы же сему благоволению Твоему радующеся, /благодарне зовем Ти/: Слава Тебе, Спасе мира. Свой Божественный Образ в душах наших Обновляющий.
Икос 1
Архангелы и Ангелы на небесах вокруг Престола Твоего огнезрачнаго, со страхом облегающе. Имя Твое Трисвятое величают, Христе Боже наш. Зде же, в земном уделе, аки стражи недремлющий: архангелы Михаил и Рафаил Образ Твой Нерукотворный, огнем невещественным Обновленный, прославляют. Мы же, сему Пречистому Образу Твоему покланяющеся. Тебе, Творца и Бога нашего, сотворшаго нас по образу и подобию Своему, всерадостно величаем: Слава Тебе, Образом Божественнаго Лица Твоего нас обновляющему; Слава Тебе, паче лучей солнечных, в земле нашей возсиявшему. Слава Тебе, умовением Лица Твоего, образ Твой миру написася; Слава Тебе, в сем бо Авгарю Божественное исцеление даровася. Слава Тебе, Слове Божий, Лица Твоего от нас неотвращающему; Слава Тебе, молящимся пред Ликом Твоим благодатным исцеление душевное и телесное дарующему. Слава Тебе, огнем Купины несгораемой образ Твой обновися; Слава Тебе, обновлением сего источник любви Твоея нам источися. Слава Тебе, Спасе мира. Свой Божественный Образ в душах наших Обновляющий.
Кондак 2
Видяще Божественный Образ Твой, Христе Спасе, краснейший добротой неизреченною, Авгарь, князь Эдесский, верою позна Тя Сына Божия, исцеле. Благослови, освяти и озари грехми затемненные зеницы очей наших, Человеколюбче, и сладкое изображение Твое начертай в сердцах наших, да возлюбим Тя, Господа своего, дивно посетившаго нас в Обновлении Пречистаго Образа Твоего, непрестанно вопиюще: Аллилуиа.
Икос 2
Разумети всеблагую волю Твою, Спасе, свершившуюся в тайне сей среди многострадального народа нашего православного в дни тяжких смятений, даруй же нам, Владыко Неба и земли, да не посрамим благочестия веры отцов и боголюбивых праотцев наших, кровию своею исповедническою землю нашу освятивших. Тех же молитвами и предстательством, веруем, всеблагостно посетил Еси нас, да среди скорбей и напастей многих вопием Ти: Слава Тебе, страдания Авгариева в стране далечей не презрел Еси; Слава Тебе, сего уповавшаго на Тя преизрядно утешил Еси. Слава Тебе, в свете Лица Твоего стопы наша исправляющему; Слава Тебе, в обновлении Образа Твоего вера наша утверждается. Слава Тебе, в сем бо всяка ересь злочестивая низлагается; Слава Тебе, Ищущему спасения погибающих душ наших. Слава Тебе, Избавляющему нас от всякия злыя напасти; Слава Тебе, Спасе мира, Свой Божественный Образ в душах наших Обновляющий.
Кондак 3
Сила Десницы Твоей, Всеблагий Господи, воистину почивала на Нерукотворном Образе сем, егда нашествие лютое огнем и мечем опустошаше землю нашу, имже воспламени храмину боголюбивой рабы Твоея Александры, в весе Красные Поляны, идеже благочестно хранящеся благословение прародителей ея — Икона сия святая. О, велие чудесе! Пламя огненное, испепелившее вся, Лика Твоего, Владыко, в горниле огненном не коснуся, благодать бо Твоя бе на нем. О сем дивяшеся, велегласно вопием Ти: Аллилуиа.
Икос 3
Имеяше сокровище сие неоценимое, раба Божия Александра пятидесятичетырех лет в тайне таяше Сию, бояше бо ся, да корыстолюбивые похитители не изымут Ю от нея. Вгда же приде время благоволения Твоего, Господи, зажечь лампаду веры в народе нашем, — открыся обитель Свято-Борисо-Глебская; Дух Снятый подвиже рабу Свою принести сокровище, Богом ей данное, — в Святую нововоздвиженную обитель. Огнем Невещественным облистал Еси Сию от дыма огня вещественнаго, да поклоняются пред Нею вси роди наша, взывающе: Слава Тебе, седяй во славе на Престоле огнезрачнем, Слава Тебе, одесную Отца Светов восседающий. Слава Тебе, изволившему Лице Лика Твоего, в народе нашем обновити; Слава Тебе, сице бо даруеши нам о Тебе воз-веселитися. Слава Тебе, нас немощных и поносимых возлюбившему; Слава Тебе, на испытания, грядущия на ны, нас укрепившему. Слава Тебе, пламя огненное от Собора града Харькова отвратившему; Слава Тебе, святые мощи угодников Твоих в нем почивающий на радость верным сохранившему. Слава Тебе, Спасе мира. Свой Божественный Образ в душах наших Обновляющий.
Кондак 4
Бурею злонравия дух злобы поднебесной, страстьми нечестия беснующихся, устремися народы наша православныя осквернити и поработити, их же, Ты, Господи, издревле знамением Крестным, его же святый Андрей Первозванный воздвиже над землей нашей, ограждаеши; ныне же, яко твердый залог на Тя уповающим, явлением Нерукотворнаго Образа Твоего в земле Слобожанстей вся верныя озаряеши, да не устрашимся, ниже убоимся ненавидящих нас. Божественный Образ Твой светло славяще, вопиюще: Аллилуиа.
Икос 4
Слышаще ближние и дальние о предивном обновлении Пречистаго Лика Твоего, Владыко, зело возвесилишася, всем возвещающе: видите, чудная сия, людие, духовно возвеселитеся, Христа славяще, даровавшаго нам, яко многоценное богатство. Своего Образа Обновление. Сему, Богоначертанному изображению, благоухание Духа Святаго непрестанно источающему, со умилением кланяющеся, вопием немолчно: Слава Тебе, Источниче небеснаго благоухания; Слава Тебе, Мироварнице Божественного помазания. Слава Тебе, о Тебе небесная и земная веселятся; Слава Тебе, Имени Твоего силы адския устрашаются. Слава Тебе, в величии славы Твоея непостижимый; Слава Тебе, милости у Тебя просящим щедрый Подателю. Слава Тебе, заблудших в дебрях греховных благостный Искателю; Слава Тебе, Спасе мира. Свой Божественный Образ в душах наших Обновляющий.
Кондак 5
Богосветлое сияние, якоже на Фаворе иногда, озари верныя в храме святых Страстотерпцев Бориса и Глеба, егда во время Евангельского чтения Свет Невечерний от Нерукотворнаго Образа Твоего, Спасе, возсия препрославленно, во спасение народу нашему даровася, да уразумеем паче ума чудеса Твои, Господи, яже сотворил еси и твориши нам, на Тя уповающим. Просвети всех нас, Владыко, Лица Твоего зраком, и светлости святых сподоби благодарно поющих Ти: Аллилуиа.
Икос 5
Видяще святую икону Твою, Всемилостиве Спасе, у Святая Святых, на месте горнем, пламенем Духа Святаго облагодатствован-ную, от нея же Лик Твой Пребожественный благоуханием небесным исполни Храм святой, егда ангелы и люди херувимски «Дориносившыя Тя», и, якоже апостолы: Петр, Иаков и Иоанн на Фаворе, просвещаеми светодательным сиянием сего явления, долу повергошася, — со страхом и слезами умиления согласно воспеша песнь хвалебную Избавителю своему: Слава Тебе, Избавившему триех отроков от пламени халдейскаго; Слава Тебе, Спасающему нас от огня— пламени житейскаго. Слава Тебе, пламенем Духа Святаго нас облиставшему; Слава Тебе, Светом Невечерним нас облагодаствовавшему. Слава Тебе, Лице Свое к народу нашему обратившему; Слава Тебе, грехопадения наша на себя вземшему. Слава Тебе, не по делам нашим нас возлюбившему; Слава Тебе, якоже дом Закхея, нас милостив-но посетившему. Слава Тебе, Спасе мира, Свой Божественный Образ в душах наших Обновляющий.
Кондак 6
Исповедует и прославляет пажить Харьковская православная милосердие Божие, его же ради посети Господь землю нашу, якоже Три Небесных Странника, праотца Авраама у дуба Мамрийска, идеже о умножении рода его известие приимша. Ныне же возблаговолил Господь прославити Имя Свое Святое в народе нашем, израстившем Церкве Небесней неисчерпаемый сонм святых земли нашей, да купно с ними возвеличим благость Его к нам, поюще: Аллилуиа.
Икос 6
Возсия Свет Лица Твоего, Господи, — Свет Превечный, Отча исполнения начертание Образа Небесе и земли Царя, возвещающе о грядущем суде мира: о гресех и о правде. О гресех, — яко Бог поругаем не бывает; о правде, — яко не оставит Господь верных Своих до конца, да среди скорбей мира сего и соблазнов его не погубит нас сын беззакония уповающих: «Яко с нами Бог»! Ему же, в свете предивнаго Образа Его, всерадостно взываем: Слава Тебе, Царю непобедимый; Слава Тебе, Свете неугасимый. Слава Тебе, Любовь неизреченная; Слава Тебе, Истина непостижимая. Слава Тебе, Судие нелицеприятный; Слава Тебе, Врачу Преблагодатный. Слава Тебе, Всеблагий наш Утешителю; Слава Тебе, ада и смерти Победителю! Слава Тебе, Спасе мира, Свой Божественный Образ в душах наших Обновляющий.
Кондак 7
Хотяй сокровенную тайну любви Твоея неизреченной и неисчерпаемой нам явити, Господь наш и Бог наш, напоследок дней двухтысячелетия бытия Церкви Твоея Святыя, силами ада непреодолимой. Образ Твой красоты небоподобной, его же Херувимы и Серафимы славою покрывают, дал Еси нам. Что воздадим Ти, Радосте наша неизреченная, за яже тако возлюбил Еси нас, и тако пред всем миром облагодатствовал Еси нас, немощных и неоправданных пред Тобою, разве сокрушенным сердцем и душею, взывая о прощении, вопием Ти неложно: Аллилуиа!
Икос 7
Новое и неизреченное чудо, яко же Моисею в Купине несгораемой, явися нам
Нерукотворный Образ Твой, Владыко, в огне вещественном оказася несгораемый, в Огне Невещественном Духа Святаго явися неопалимый в блистании Божества. К сему источнику даров Небесных ныне притекают вернии от востока и запада: скорбящий и обремененные, в нуждах и печалех, и во озлоблении сущих, во еже испросити милости Твоея, Всеблагий Господи. С ними же и за них умоляем Тя прилежно: Слава Тебе, жизни и воскресения Подателю; Слава Тебе, пред Отцем Небесным за спасение мира Ходатаю. Слава Тебе, двери Райския нам отверзающему; Слава Тебе, двери ада славно разорившему. Слава Тебе, к покаянию нас призывающему; Слава Тебе, семьдесят раз по семь прощати кающемуся обещавшему. Слава Тебе, Сыне Божий — Сыне человеческий; Слава Тебе, Престола Небесной славы Наследниче. Слава Тебе, Спасе мира, Свой Божественный Образ в душах наших Обновляющий.
Кондак 8
Страшнаго дне пришествия Твоего, Владыко, кто не убоится и не устрашится, егда вся деяния наша обнажатся, о них же имамы судитися. Судия же нелицеприятен и не подкупен, суд же — праведнаго и вечнаго воздаяния. Кто убо избавит нас тогда от геены огня неугасимаго и мучений адских, аще не Ты, Господи, распеншийся за нас? Сего ради на Образ Твой, Его же даровал Еси нам, взирающе, зовем Ти: призри и пощади нас тогда, вопиющих: Аллилуиа.
Икос 8
Вся небесная и земная ныне зряще Тя, Бога и Спаса, в начертании Нерукотворнаго Лица Твоего, предивно Обновленнаго, удивишася, в нем бо: мертвым живот возсия, слепым прозрение пришествова, немощным врачевство отверзеся, и всем спасение приблизися — купель Силоамская небеснаго исцеления всем отверзеся. Благословенно Имя Божия славы, знаемо сущим на земле явися, сице бо познахом яко Господь Сил с нами, заступник наш Бог Иаковль, Ему же в радости вопием: Слава Тебе Боже предивный и препрославленный; Слава Тебе, красотою жизни нас увенчавший. Слава Тебе, украсившему Небо солнцем, звездами и луною; Слава Тебе, обогатившему землю хлебом, вином и водою. Слава Тебе, растлавшему под ногами нашими крины полевые; Слава Тебе, воздух для дыхания нашего сотворивый. Слава Тебе, злаками земли род человеческий насытивый; Слава Тебе, всяческая на службу человеку поставивый. Слава Тебе, Спасе мира. Свой Божественный Образ в душах наших Обновляющий.
Кондак 9
Вси верные Церкви Православные возрадовашеся и возблагодариша Господа, сотворшаго дивная и преславная с нами, да уразумеют языцы и покоряются, ничтоже зломудрствующе: Един Бог, единая вера, едино Крещение, и Едина, Святая, Соборная и Апостольская Церковь, засвидетельствованная ныне миру зраком светлосияннаго Лица Сына Божия, яко благоволит Душа Его к нам, бисер веры неврежденно хранящим. Мы же сему радующеся, поношения, злохуления и клеветы ложныя ни во что же вменяем, вси радостно вопием Богу: Аллилуиа.
Икос 9
Витийствующим и зломудрствующим, раздирающим священный хитон Церкви Православной от сокровища Ее некрадомаго не совращи нас, Господи, Юже в последних летех облистал Еси зраком Лица Твоего, но яко князю Авгарю, даруй нам веру непоколебимую и в ней же нас утверди, болезни наша душевныя и телесныя исцели, от врагов, мыслящих нам злая, избави. Лица Твоего от нас не отврати, рог же христиан православных в благочестии веры прослави, да спасаеми, зовем Ти: Слава Тебе, Церкви Святыя Зиждителю; Слава Тебе, грехов мира Искупителю. Слава Тебе, праотца Адама от ада Воздвигшему; Слава Тебе, род человеческий от истления Свободившему. Слава Тебе, судеб мира премудрый Вершителю; Слава Тебе, воинств миролюбивых Предводителю. Слава Тебе, Сокровище премудрости и ведения; Слава Тебе, Совершенство всех совершенств неисповедимое. Слава Тебе, Спасе мира, Свой Божественный Образ в душах наших Обновляющий.
Кондак 10
Спасительное прибежище явися Твой Божественный Образ народу нашему, Владыко, в нем бо наша надежда и спасение, и святая отрада на Тя уповающим. Егда же видим Сей, во градех и весех наших ангельски «дориносима», аки Самого Тя зрим, к нам грядущаго, недуги наши исцеляти, прокаженныя очищати, бесы изгоняти; о сем радующеся, псаломски вопием Ти: «Не отврати Лица Твоего от отрок Твоих, яко скорбим, скоро услыши нас, вонми душам нашим и избави их», да зовем Ти: Аллилуиа.
Икос 10
Царю Превечный, Владыко Неба и земли! Киими славословленьми и похвалы возвеличим Твое к нам снисхождение, за еже тако посетил Еси нас. Ничто бо благо сотворихом, ниже содеяхом, яко же Симон прокаженный и блудница, юже не осудил Еси, да грады и веси наша благословиши, Владыко многомилостиве. Яко же оныя миро, излиянное на главу Твою, и слезы, имиже омы ноги Твоя, приими и наша сокрушения и слезы, якоже и вдовицы два лепта, и излей, Всещедре, милость Твою на народы наши, и нас недостойных, слезно зовущих: Слава Тебе, за яже сице посетил Еси нас; Слава Тебе, за яже светом Образа Твоего облистал Еси нас. Слава Тебе, Небесным благословением осенившему нас; Слава Тебе, любовь Свою излиявшему на нас. Слава Тебе, за яже, правды ради, накажеши нас; Слава Тебе, Пречистым Телом и Кровию Твоею оживотворившему нас. Слава Тебе, надеждою спасения укрепившаго нас; Слава Тебе, Спасе мира. Свой Божественный Образ в душах наших Обновляющий.
Кондак 11
Пение ангельское приносим Ти, Сыне Божий: Свят, Свят, Свят Господь Саваоф, исполнь Небо и земля славы Твоея, — в ней бо стяжал Еси нас Себе люди избранныя, дал Себе в измену смерти, во еже сотворити всякой плоти путь к Воскресению. Кто, яко же Ты, Всеблагий Владыко? Аще жена оставит рождение свое,— рекл Еси, — Ты же не оставляеши нас, но всячески милуеши и ищеши како спасти нас. Господи! Аще согрешиша люди наша, помяни, яко Ты Еси Спаситель наш, и исполни уста наша хваления Твоего, да сладце вопием Ти: Аллилуиа.
Икос 11
Светодательный Источник, струями Духа Святаго верных напаяющий, открыл
Еси благочестивому народу нашему в обители Святых страстотерпцев Бориса и Глеба, Всеблагий Владыко, да к Нему — Пречистому Образу Твоему, — притекаем и питие небесное испием, дарами Духа Святаго насладимся. Тако бо сердца наша в дом Духа Святаго, яко же Горницу Сионскую, преукрасим, да внидет в ню Царь Славы и радости Небесной исполнит нас. Пресвятое Имя присно прославляющих: Слава Тебе, Царю Славы, — Царю веков; Слава Тебе, от земнородных всех родов. Слава Тебе, от Небесных Вышних Сил; Слада Тебе, от созданных Тобою небесных светил. Слава Тебе, от источников земных и морей; Слава Тебе, от гор, лесов и хлебных полей. Слава Тебе, от нас, убогих созданий Твоих; Слава Тебе, Показавшему нам Свет. Слава Тебе Спасе мира Свой Божественный Образ в душах наших Обновляющий.
Кондак 12
Благодати и радости, и неземного торжества исполнися земля Слобожанская, в ней же Господь, яко же в Вифлиемском вертепе явися во Плоти, ныне явися нам в блистании Своего Нерукотворнаго Образа, огненными струями Духа Святаго обновившагося, яко огнезрачен и дадеся нам. Приидем вси вернии, рукама восплещим и возвеличим Имя Бога нашего — Спасителя мира. Его же Силы Небесныя непрестанно величают, мы же, радости сия сподобившиеся, вопием Ему Ангельское славословие: Аллилуиа.
Икос 12
Поюще Величие Таинства сего силу, и благодати красоту, еюже освятися земля наша и боголюбивый народ наш православный, и пришедше, всерадостно Образу Спаса Нашего поклонимся, яко возлюби нас Господь и, якоже на Кресте в страшный час смерти, жаждет нашего спасения, присно за нас распинаяся. Сего ради, яко возлюбленный апостол Иоанн, любовию неотступим от Него, слезно вторя словам Петроваго покаяния: Господи, Ты вся веси. Ты веси, яко люблю Тя, и сладце вопию: Слава Тебе, Любовь Крестная, Неизреченная; Слава Тебе, Лозо Небесная, трижды освященная. Слава Тебе, Едема Небеснаго Свете неугасимый; Слава Тебе, Боже Предвечный, — Непостижимый. Слава Тебе, Небесными Силами дориносимый; Слава Тебе, в Божественной Премудрости, Неисследимый. Слава Тебе, Крестоносителей Твоих венцами ангельскими венчающему; Слава Тебе, молитвами их от огня неугасимаго нас спасающему. Слава Тебе, Спасе мира. Свой Божественный образ в душах наших Обновляющий.
Кондак 13
О Всеблагий и Премилосердный Спасителю мира, внемли слезным мольбам нас недостойных, якоже князю Авгарю иногда, ему же, благости Твоея ради, — во исцеление неисцелимых ран его. Нерукотворно Образ Пребожественнаго Лица Твоего начертавый; ныне же, сие сокровище, благодати преисполненное, нам на спасительную радость обновил еси, да не погибнем в беззакониях, растлевающих нас, и во вражде отчуждающих нас от любви Твоей, ведуще, яко конец приближается и книги дел наших разгибаются, но покаявшись, душой нескверной и сердцем сокрушенным вопием Ти, в любви Неизреченному: Аллилуиа.
(Сей Кондак глаголется трижды).
Икос 1
Архангелы и Ангелы на небесах вокруг Престола Твоего огнезрачнаго, со страхом облегающе. Имя Твое Трисвятое величают, Христе Боже наш. Зде же, в земном уделе, аки стражи недремлющий: архангелы Михаил и Рафаил Образ Твой Нерукотворный, огнем невещественным Обновленный, прославляют. Мы же, сему Пречистому Образу Твоему покланяющеся. Тебе, Творца и Бога нашего, сотворшаго нас по образу и подобию Своему, всерадостно величаем: Слава Тебе, Образом Божественнаго Лица Твоего нас обновляющему; Слава Тебе, паче лучей солнечных, в земле нашей возсиявшему. Слава Тебе, умовением Лица Твоего, образ Твой миру написася; Слава Тебе, в сем бо Авгарю Божественное исцеление даровася. Слава Тебе, Слове Божий, Лица Твоего от нас неотвращающему; Слава Тебе, молящимся пред Ликом Твоим благодатным исцеление душевное и телесное дарующему. Слава Тебе, огнем Купины несгораемой образ Твой обновися; Слава Тебе, обновлением сего источник любви Твоея нам источися. Слава Тебе, Спасе мира. Свой Божественный Образ в душах наших Обновляющий.
Кондак 1
Взбранный и неизменный Божеством,/ Отчей славы неописанное Слово, Христе
Боже наш,/ иже во зраце Божией Ипостаси, Бог Сый,/ за милосердие Божественное образ миру видим явился Еси./ Сие предивное начертание Образа Твоего. Спасе,/ землю Слобожанскую, яко же Фавор иногда, пречудне облиста./Мы же сему благоволению Твоему радующеся, /благодарне зовем Ти/: Слава Тебе, Спасе мира. Свой Божественный Образ в душах наших Обновляющий.
Правила чтения
Главное в любой молитве – живая вера в Господа Бога и отсутствие каких-либо сомнений. Соблюдая простые правила, можно донести свое молитвенное обращение к Спасу в стенах храма или у себя дома перед иконами Всемилостивого Спаса и Пресвятой Богородицы.
Другие молитвы Всемилостивому Спасу
Молитвенные обращения к Спасу читают все верующие христианской церкви. Чистая молитва, идущая от самого сердца, помогает в наше неспокойное время жить гармонично, иметь праведные помыслы и пребывать в Божьей благодати.
Тропарь
Тропарь Всемилостивому Спасу, глас 8, взывает к милости Христа и Богородицы для избавления от грехов и очищения душ верующих.
Ин тропарь Всемилостивому Спасу, глас 4, возносит славу и благодарность за Божественную милость и мир.
«Свети́льниче со́лнечный, Всеми́лостивый Спа́се,/ просвеще́нием сия́ния Твоего́ пода́й и нам сло́во,/ да восхва́лим чи́стою со́вестию/ Твое́ пребоже́ственное пра́зднество,/ Тебе́ же, Единоро́днаго Сы́на,/ единосу́щна с Ду́хом, сла́вяще,// да́руеши бо нам мир и ве́лию ми́лость».
Перевод: «Светильник солнечный, Всемилостивый Спаситель, просвещением сияния Твоего подай и нам слово, чтобы мы восхвалили с чистой совестью Твой божественнейший праздник, Тебя же, Единородного Сына, единосущного с Духом, прославляя, ибо даруешь нам мир и великую милость».
Кондак
Кондак Всемилостивому Спасу, глас 4 – это призыв к Господу о прощении и просьба о помощи в минуты отчаяния.
«Вся́кия скве́рны, Всеми́лостивый Спа́се, аз бых де́латель,/ и во отча́яния ров впа́дся,/ но стеню́ от се́рдца, и вопию́ к Тебе́, Сло́ве:/ ускори́, Ще́дрый, и потщи́ся на по́мощь на́шу,// я́ко Ми́лостив».
Перевод: «Всякого дела скверного исполнителем был я, Всемилостивый Спаситель, и в ров отчаяния пал; но стенаю от сердца и взываю к Тебе, Слово: «Поспеши, о Сострадательный, и обратись к нам на помощь, как Милостивый!»».
Молитва
Молитва Всемилостивому Спасу объединяет всех, кто имеет одну веру, одно крещение и одну Православную Церковь Христову. Простые слова очищают душу от грехов, наполняя ее умилением и благословением Господа.
«Влады́ко Го́споди Святы́й, в Вы́шних живы́й и всеви́дящим Твои́м о́ком призира́яй на всю тварь! Тебе́ приклоня́ем вы́ю души́ и те́ла, Тебе́ мо́лимся, Свя́те святы́х, простри́ ру́ку Твою́ неви́димую от свята́го жили́ща Твоего́, и благослови́ вся ны, и прости́ нам вся́кое согреше́ние во́льное и нево́льное, сло́вом или́ де́лом соде́янное. Да́руй нам, Го́споди, умиле́ние, да́руй сле́зы сокруше́нныя души́ во очище́ние мно́гих грехо́в на́ших, да́руй ве́лию Твою́ ми́лость ми́ру Твоему́ и нам, недосто́йным рабо́м Твои́м, я́ко благослове́но и препросла́влено есть И́мя Твое́ ны́не, и при́сно, и во ве́ки веко́в. Ами́нь».
