акафист спасу нерукотворному читать
Акафист Нерукотворному образу Господа Иисуса Христа
Кондак 1
Пречистому Твоему Образу покланяемся, Благий, просяще прощения прегрешений наших, Христе Боже, волею бо благоволил еси плотию взыти на Крест, да избавиши, яже создал еси, от работы вражия, тем с надеждою вопием Ти:
Господи Боже, Спасителю мой, прииди ко мне noгибающему и исцели болезни моя неисцельныя.
Икос 1
«Иисусе, Спасителю мой, – молил смиренно Авгарь князь Едесский, – прииди ко мне и исцели неисцельныя болезни моя, в нихже от многих лет стражду». Ему же подражая, и аз, пораженный гpexoвною проказою, мольбою вопию сице:
Господи мой, Господи, помилуй мя по велицей милости Tвoeй, и по множеству щедрот Твоих очисти беззаконие мое.
Господи Спасителю мой, росою милости Твоей омый мя от беззакония моего, и от греха моего очисти мя.
Господи, отврати лице Твое от грех моих и вся беззакония моя очисти.
Господи, сердце чисто созижди во мне и дух прав обнови во утробе моей.
Господи, не отвержи мене от лица Твоего и Духа Твоего Святаго не отыми от мене.
Господи Боже, Спасителю мой, прииди ко мне погибающему и исцели болезни моя неисцельныя.
Кондак 2
Видя любовь и веру Авгаря Едесскаго, Господи, Ты писал еси ему «Блажен еси Авгарь, не видевый Мя и веровый в Мя. Аз пошлю ученика Моего и той исцелит тя и жизнь вечную подаст ти и сущим с тобою». Посли же, Господи, милость Твою и мне вопиющему: Аллилуиа.
Икос 2
Разум не постигает тайны, как Господь приложением к Божественному лику Своему убруса, изобрази на нем подобие Свое, посылаше оное к Авгарю, желание того исполняя. Сей же радости великой исполнься, поклонися образу Христову. Емуже и мы с благоговением днесь поклоняемся, с мольбою и верою зовуще:
Господи мой, Господи, устне моя отверзиши, и уста моя возвестят хвалу Твою, Господи мой, Господи, возврати ми радость спасения и Духом Владычным утверди мя.
Господи, Тебе Единому согреших и лукавое пред Тобою сотворих, по милости Твоей пощади мя.
Господи мой, Господи, Спасителю мой, призри на скорбь души моея и поспеши на помощь мне.
Господи мой, Господи, услыши мя и от всех скорбей избави мя.
Господи Боже, Спасителю мой, прииди, ко мне погибающему и исцели болезни моя неисцельныя.
Кондак 3
Силою любве и радости преисполненный поклонися Авгарь Нерукотворенному образу Спасителя мира и, получив своих болезней исцеление, с верою воззва «Христе Боже, всяк уповающий на Тя не постыдится». Сим поучая и нас всегда уповати на милости Господни и пети Ему: Аллилуиа!
Икос 3
Имея любовь к падшему роду человеческому, Ты, Христе Боже, чрез единаго от учеников Твоих воззвал eси Авгаря от мрака гpеxoвного и просветил душу его светом истины Твоея. Воззови и меня от глубины греховныя, да и аз с плачем возопию Тебе сице:
Господи мой, Господи, даруй ми слезы умиления, да ими Тя умолю – очисти прежде конца вся моя npeгрешения.
Господи, просвети мою душу светом Твоего Божественнаго познания, и введи мя по милости Твоей в Царство Твое.
Господи мой, Господи, просвещение мое и Спаситель мой, к Тебе прибегох, научи мя творити волю Твою.
Господи мой, Господи, Боже мой, вразуми сердце мое, и отжени от него искушение лукаваго, и настави мя на путь спасения.
Господи мoй, Господи, не отрини убо моления моего и услыши мя, Твоею Благостию утверди сердце мое страхом Твоим.
Господи Боже, Спасителю мой, прииди ко мне погибающему и исцели болезни моя неисцельныя.
Кондак 4
Буря страстей и треволнений житейских потопляет мя, и сердце, объятое ужасом смерти, вопиет Ти: Господи, несть помогающаго ми на земли, спаси мя, якоже древле Авгаря, и даруй купно с ним пети Ти: Аллилуиа.
Икос 4
Слыша, яко иудее ненавидят Тя, и хощут нечто злое содеяти Тебе, Господи, пишет Авгарь: «Аз молю: прииди ко мне и обитай со мною». Того любви подражая, и аз, восстав из глубины падения моего, дерзновенно молю Тя, Христе Боже, сице:
Господи Боже мой, вниди в дом души моея и пребуди неотлучен со мною грешным.
Господи, Боже сердца моего, прииди и соедини мя с Тобою на веки.
Господи мой, Господи, к Тебе прилепилась еси душа моя, прииди и радости исполни сердце мое.
Господи Боже, Спасителю мой, прииди ко мне погибающему и исцели болезни моя неисцельныя.
Кондак 5
Благословен грядый во имя Господне – воспеваху древле дети еврейскии, встречая Господа в Иерусалиме. Мы же днесь, раскрывая двери сердец наших грядущему к нам Спасу, со умилением зовем: Аллилуиа.
Икос 5
Дивныя глаголы Ты рекл еси, Господи, всем погибающим: «Да не смущается сepдце ваше, и да не устрашается, веруяй в Бога, и в Мене веруйте и наследите Царство, уготованное вам от создания мира». Аз же, помышляя свое беззаконие, молю Тя, Блаже, утверди сердце мое и просвети ум мой, Тебе вопиющий:
Господи мой, Господи, путеводя Израиля от земли фараоновой, настави мя на путь Твой, да пойду во истине Твоей.
Господи Иисусе Христе, Сыне Божий, верую в Тя, помози моему неверию.
Господи мой, Господи, да не яростию Твоею обличиши мене, и не удаляйся от мене за беззакония моя.
Господи Боже, Спасителю мой, прииди ко мне погибающему и исцели болезни моя неисцельныя
Кондак 6
Воззрети очима на образ Твой, Господи, не смею окаянный аз от лукавых моих деянии, но яко мытарь, стеня, взываю Ти: Боже, очисти мя грешнаго от фарисейскаго лицемерия и научи чистым сердцем пети милосердию Твоему: Аллилуиа.
Икос 6
Возсия в скорби моей утешительное слово Твое, Спасителю мой, еже рекл еси: «Не оставлю вас сиры, прииду к вам». Того ради аз, избегши темноту отчаяния, с надеждою на Твое человеколюбие прибегох к Тебе сице моляся:
Господи мой, Господи, Прибежите мое в беде и в скорби, не остави мя едина.
Господи мой, Господи, безгрешный, с беззаконными вмененный, изми мя от рук ненавидящих мя.
Господи мой, Господи, от поругания видимых и невидимых врагов сохрани мя.
Господи мой, Господи, прости мя и приими мя, якоже блуднаго древле во объятия Твоя.
Господи Боже, Спасителю мой, прииди ко мне погибающему и исцели болезни моя неисцельныя.
Кондак 7
Дивныя показал еси дела Твоя, Господи, в пречистем образе Твоем и чудности даровал утешение всем земнородным, научив их в скорбных обстояниях жизни прибегати к Твоему милосердию и пети Тебе с любовию: Аллилуиа.
Икос 7
Храм носяй телесный весь осквернен, множество содеянных мною лютых, трепещу страшнаго Суднаго дне и молю: покаяния отверзи ми двери, Жизнодавче, и яко Давид вопию Ти:
Господи мой, Господи, услыши моление мое, внемли молитве моей и помилуй мя.
Господи Боже мой, Твой семь аз, вразуми мя и жива будет душа моя.
Господи Боже мой, пастырю мой, заблудих, яко овча погибшая, взыщи раба Твоего и спаси мя.
Господи мой, Господи, помилуй мя, исцели душу мою, яко согреших Тебе.
Господи Боже, Спасителю мой, прииди ко мне погибающему и исцели болезни моя неисцельныя.
Кондак 8
Страшнаго дне пришествия Твоего ужасаюся, Христе, и трепещу, яко имый множество согрешений, но Ты, Милостивый Боже, прежде конца обрати мя, поющего Ти: Аллилуиа.
Икос 8
Весь был еси любовь к падшим человеком, о Иисусе, и даровал еси им образ Твой Святый, ясно глаголющий всем в скорби и печали сущим: «Приидите ко Мне, вси труждающиися и обремененнии, и Аз упокою вы». Сего ради погибающий, со дерзновением молю Тя, Христе, сице глаголя:
Господи мой, Господи, хранителю мой, сохрани мя от врагов, нападающих на мя.
Господи мой, Господи, в вышних живый и на смиренныя призираяй, призри на мя грешнаго и буди отрадой моей.
Господи мой, Господи, спаси мя, утопающаго в пучине житейских искушений.
Господи мой, Господи, да не смущается сердце мое и да не устрашается во исповедании имени Твоего.
Господи мой, Господи, приими мя, яко мытаря, яко Хананею помилуй, помилуй мя по милости Твоей.
Господи Боже, Спасителю мой, прииди ко мне погибающему, и исцели болезни моя неисцельныя.
Кондак 9
Вси языцы, приидите, с любовию и трепетом поклонимся пречистому образу Спасителя мира, избавльшему нас от работы вражия и благодарственно вопием Ему, Победителю смерти и ада: Аллилуиа.
Икос 9
Весь пораженный проказою греховною, недоумеваю, како есть достойно величати Тя, о Владыко многомилостивый, но верою сердечною исповедую Тя, истиннаго Сына Божия, смиренно стою пред образом Твоим Святым, сице моляся:
Господи Иисусе, Радосте моя, даждь ми, да возрадуюся о милости Твоей.
Господи, Спасителю мой Преблагий, спаси раба Твоего от неверия и беззакония.
Господи мой, Господи, Милость неизреченная, благодатию Твоею потреби гнев в сердце моем.
Господи мой, Господи, чистота неописанная, чистоту сердца и ума даждь ми.
Господи мой, Господи, одеяйся светом яко ризою, освяти мя, печалями житейскими омраченнаго.
Господи Боже, Спасителю мой, прииди ко мне погибающему и исцели болезни моя неисцельныя.
Кондак 10
Господи мой, Господи, милосердый Спасителю мой, душу мою студными деяниями люте разслабленную воздвигни Божественным Твоим милосердием, якоже древле разслабленнаго при овчей купели, и на спасения стези настави ю, да поем Ти: Аллилуиа.
Икос 10
Царю Предвечный, Утешителю, Христе Истинный, очисти мя от всякия скверны, якоже очистил eси десять прокаженных и исцели мя, якоже исцелил еси сребролюбивую душу Закхея мытаря, да воспою Ти, сице глаголя:
Господи мой, Господи, недуги наша приемый и болезни понесый, исцели болезни сердца моего.
Господи мой, Господи Иисусе, Помощниче мой, помози ми, яко изнемогает душа моя от скорби сея.
Господи мой, Господи, очи давый слепому во еже видети, даждь ми око, да узрю кротость и терпение Твое.
Господи долготерпеливый, избави душу мою от нечестиваго и спаси мя ради милости Твоея.
Господи Боже, Спасителю мой, прииди ко мне погибающему и исцели болезни моя неисцельныя.
Кондак 11
Пение всеумиленное Тебе приносяща, и сокрушенным сердцем молящася, не презри мя, о Преблагий Владыко! Отврати убо лице Твое от грех моих! Но не отврати лица Твоего от раба поющаго Тебе: Аллилуиа.
Икос 11
Христе Свете истинный, просвещаяй и освящаяй всякаго человека грядущаго в мир, призри на мя, грешнаго и непотребнаго раба Твоего и исправи жизнь мою по заповедям Твоим, и душу мою освяти, да принесу Ти молитву сице:
Господи Иисусе Христе, Ты Свет мира, светом Твоим осияй мя.
Господи мой, Господи, Ты источник жизни, даруй душе моей жизнь нетленную и утверди ю в заповедех Твоих.
Господи Иисусе Христе, Ты Солнце правды, правдою Твоею согрей душу мою и озари ум мой.
Господи мой, Господи, Ты наставник мой, научи мя творити волю Твою и любити Тя всем сердцем.
Господи мой, Господи, Ты отверзл eси очи слепому, отверзи и мне двери покаяния и, яко щедр, очисти вся грехи моя.
Господи Боже, Спасителю мой, прииди ко мне погибающему и исцели болезни моя неисцельныя.
кондак 12
Благодатию Твоею всесильною, утверди сердце мое в вере, надежде и любви, даруй ми покаянием и неослабленным исполнением заповедей Твоих достигнуть Царствия Небеснаго, идеже с лики апостольскими воспою: Ти Аллилуиа.
Икос 12
Ты, Пастырю добрый, рекл еси всем, в скорби и печали сущим: «Друзи Мои, Аз иду ко Отцу Моему и Отцу вашему уготовити место вам, но паки прииду и возьму вас к Себе, аще заповеди Моя соблюдаете». Сему благоговейно внимая, дерзну и аз, погруженный в лютую скорбь, приступити к Тебе, сице моляся:
Господи мой, Господи, милосердый Спасителю мой, спаси мя погибающаго.
Господи мой, Господи, отжени от мене тучи неверия, зла и вражды и Духом Твоим Благим настави мя на путь правды.
Господи мой, Господи, утешение души моея, утеши мя в печали сущаго.
Господи Боже мой, имене ради Твоего, оживи мя и правдою Твоею изведи из печали душу мою.
Господи, Царю Пресильный, помяни мя, егда приидеши во Царствии Твоем.
Господи Боже, Спасителю мой, прииди ко мне погибающему и исцели болезни моя неисцельныя.
Кондак 13
О, Премилосердый и Преблагий Господи Боже, Спасителю мой, пришедый в мир для спасения падшаго человека, не возгнушайся мене паче всех человек прегрешившаго и не отврати от мене лица Твоего, но призри на лютую скорбь и печаль души моея, исцели и утверди в свете истины и любве, да поем Ти: Аллилуиа!
О Спасе мой Премилосердый, пришедый в мир для спасения падшаго человека, взыщи мя погибаюшаго и благодатию Твоею душу мою освяти, тело очисти и жизнь исправи по эаповедем Твоим, да воспою Ти чистым сердцем: Аллилуиа.
О Спасе Moй Премилостивый, призри на раба Твоего, утопающаго в мори житейских искушений и бед, и, яко же древле Петра утопающа, спаси благодатию Твоею, освяти душу и утверди на стези заповедей Твоих, да чистым сердцем и усты вопию Ти с любовию: Аллилуиа.
(Этот кондак читается трижды. Затем читается 1-й икос и 1-й кондак)
Молитва
О, Преблагий Господи Иисусе Христе, Боже наш, Ты древле человеческаго естества Твоего лице, пресвятою водою смыв и убрусом отер, чудесно убо на том же убрусе изобразити Себе и Едесскому князю Авгарю во исцеление его от недуга послати благоволил еси. Се и мы ныне, грешнии рабы Твои, душевными и телесными недуги нашими одержими, лица Твоего, Господи, ищем и с Давидом во смирении душ наших зовем: не отврати лица Твоего, Господи, от нас и не отклонися гневом от рабов Твоих, помощник нам буди, не отрини нас и не остави нас. О, Всемилостивый Господи, Спасителю наш, изобрази Сам Себе в душах наших, да во святыни и правде жительствующе, будем сынове Твои и наследницы Царствия Твоего, и тако Тебе, Премилостиваго Бога нашего, купно со Безначальным Отцем Твоим и Пресвятым Духом славити не престанем во веки веков. Аминь.
Акафист Нерукотворному Образу Спасителя
Мир Вам, дорогие посетители православного сайта “Семья и Вера”!
29 августа совершается праздник Нерукотворного Образа (Убруса) Господа Иисуса Христа. Сей праздник в народе называют Третьим Спасом или Ореховым Спасом (потому что в этот день, после совершения Литургии, освящаются орехи нового урожая).
Об удивительной истории Нерукотворного Образа читайте на странице сайта ТРЕТИЙ СПАС. Перенесение Нерукотворенного образа Спасителя
Ниже мы прилагаем Акафист, читаемый пред Нерукотворным Образом Господа нашего Иисуса Христа:
АКАФИСТ НЕРУКОТВОРНОМУ ОБРАЗУ СПАСИТЕЛЯ
Кондак 1
Икос 1
Ангелов Творче, Великий и Вечный Боже наш, изволивый спасения нашего ради воплотитися от Пречистой Девы Марии и явити нам лик Твой, на негоже чины небесные не могли возрети. Мы же ныне воспеваем пречистый Твой Лик, на убрусе запечатленный, Господи Иисусе, славословим Твои спасительные Страсти и преславное Воскресение исповедуем. Ты бо еси Бог наш, явивый в Себе славу Отца и пребываяй с нами. Таковому дивящеся Твоему всемогуществу, Тебе Владыце мира, взываем:
Слава Тебе, начало новой и вечной жизни.
Слава Тебе, Свете неугасимый нового дня, воссияй во мраке духовном.
Слава Тебе, Заря нашего спасения.
Слава Тебе, несотворенный, невечерний и человеколюбивый Свете.
Слава Тебе, Лозо виноградная, Премудрость и Сила Божия.
Слава Тебе, Пастырю добрый, взыскующий заблудшую овцу.
Слава Тебе, Домоправителю мудрый, потерянную драхму из сора греховнаго извлекающему.
Слава Тебе, Многомилостивый, любовью Своей нас обретающему и в Отчий дом возвращающему.
Слава Тебе, вновь дарующему нам утраченное в греховной жизни богоподобие.
Слава Тебе, облекающему нас, блудных чад Своих, в нетленные одежды.
Слава Тебе, приготовляющему для нас праздничную Трапезу и нас к Ней призывающему.
Слава Тебе, извлекающему нас из тьмы греховной и ведущему к свету Истины и любви Твоей.
Слава Тебе, Господи, Иисусе Христе, Милостивый Боже и Спасителю Наш!
Кондак 2
Видяще образ сияющего небесным светом пречистого Лика Иисусова, на убрусе божественной силой запечатленного и являющего нам образ славы Отчей и Его величия, исповедуем Тя, Сладчайшему Иисусе, воздаваем Тебе хвалу за жизнь свою и за вся благодеяния, их же Ты, Творче Наш, всещедро выну изливавши на ны, и благодарственно взываем Тебе: Аллилуйя.
Икос 2
Разум, дарованный нам Тобою, Господи Иисусе, на похвалу Пречистого имени Твоего посвящем, яко Ты сотворил еси ны, и малым чем от Ангел Твоих умалил еси нас. Ты бо еси Бог наш, с Отцом и Духом воззвавый все творение Свое из небытия к бытию Ты в словесех Священнаго Писания открывавши Истину Твою, подвизаеши славословити Величие и Милосердие Твое, Творче Светов. Воистину, что есть человек, яко помниши его? Или сын человечь, яко посещаеши его великой и неизреченною благостию Твоею? Сего ради во умилении сердец вопием Ти:
Слава Тебе, безначальное Слово, совечное Отцу и Духу.
Слава Тебе, Слово Божие, превосходящее все высоты и глубины.
Слава Тебе, Слово Божие, сотворившее мир и его сохраняющее.
Слава Тебе, Слово Божие, создавшее Адама и спасшее его.
Слава Тебе, воззвавшему творение из небытия к бытию.
Слава Тебе, создавшему нас по образу и подобию Своему.
Слава Тебе, вселяющему нас в Эдемский сад вечной жизни.
Слава Тебе, одаряющему нас всем по божественной любви Своей.
Слава Тебе, ведущему, аки мы нарушили Твои заповеди и через это оказались под властью смерти.
Слава Тебе, простирающему нам спасительную Свою десницу, оживотворяющему и обновляющему наше естество.
Слава Тебе, Господи, Иисусе Христе, Милостивый Боже и Спасителю Наш!
Кондак 3
Силою великой и неизреченной Любви и благодатию Всемогущества воссиял еси нам тихий Свет, аки Заря грядущего всей твари искупления и новое жизни Древо, дающее всем смертным великую надежду, явилось миру воплощение Твое. Тобой утолена жажда Адама о прощении, в Тебе – утешение Авелю и надежда Ною о спасении, в Тебе – исполнение Авраамова ожидания. Нам явил еси Ты Отца, в Тебе запечатленнаго, яко знак Его вечной любви. Будучи от века Богом, Ты стал еси Человеком, дабы соединити ны с Собой, исполнив и совершив тем древние пророчества. Сего ради благодарственно к Тебе взываем: Аллилуйя.
Икос 3
Кондак 4
Бури сомнений и треволнений моря житейскаго не возмогут удалити ны от Тебе, Всемилосердный Иисусе, принявшему плоть от Пречистой Марии, по вере Которой, волею Отца Небесного Ты был непорочно зачат и рожден. Ты, Кому подчиняются моря и ветры, возлежал еси в колыбели, в хлеву. Превечный Боже, Ипостасный Логосе, Ты явился еси, аки беззащитный Младенец в пелена повитый, дабы уврачевать наше грехопадение. Ты, Зиждителю всея твари становишися рабом, дабы освободити нас от рабства греху и привести к жизни вечной. Сего ради благодарственно Тебе, Добрый Иисусе, взываем: Аллилуйя.
Икос 4
Кондак 5
Божественную славу Твою промышлительно сокрывшее, Иисусе Всемогущий, Ты явился еси в этот мир, аки человек – без власти и могущества, и вошел, аки раб, в Иерусалим, дабы возвысить наше человеческое естество. Ты — Источник воды животворной, омываяй наши грехи и врачуяй раны наши. Ты – Судия Вселенной, въезжающий в Иерусалим на осляти, дабы нам, заблудшим, возвратити утраченный Эдем, встречаемый там множеством людей, восклицавших Тебе осанна, но умолкнувших, егда предаша Тя в руки беззаконных. Мы искупительный Твой подвиг воспеваем и благодарственно к Тебе взываем: Аллилуйя.
Икос 5
Видяще взорем духовным, яко Ты, Спасителю Всеблагий Наш, радуешися о нас, согреваемых святою любовию Твоею, просим убо Тя: воспламени ны любовию к Тебе, ближним нашим и всему творению Твоему, согрей и освяти души наша, да вместим Тя Невместимаго, и дориносяще, — превознесем Тя Непостижимаго, Ты бо Царь и Бог наш, честь и опора наша, истинная жизнь и радость неложная. Посети ны миром: Твоим, объими ны всепрощающей добротою Твоею, исцели ны от греховных яз наших, да не злолукавствуем безплодием душ наших пред Лицем Твоим, взывая Ти сице:
Слава Тебе, Создателю наш, склонивый главу перед Своим творением.
Слава Тебе, уничижившему Себя для избавления Адама от сени преисподней.
Слава Тебе, Совершенный, посетивый нашу нищету, дабы обогатить ея.
Слава Тебе, открывающему нам величайшую тайну Своего служения.
Слава Тебе, воплощение любви и прощения.
Слава Тебе, претворяющему хлеб и вино в Тело и Кровь Свою.
Слава Тебе, дающему Себя в снедь верным, дабы освятити ны.
Слава Тебе, огонь божественный, попаляющему наши грехи.
Слава Тебе, на Тайной Вечери совершившему последнюю ветхозаветную Пасху.
Слава Тебе, приготовляющему нам духовную Пищу и божественное Питие.
Слава Тебе, дарующему Завет Новый Церкви Своей.
Слава Тебе, предлагающему Себя в снедь верным, доколе Ты придешь судить живых и мертвых.
Слава Тебе, Господи, Иисусе Христе, Милостивый Боже и Спасителю Наш!
Кондак 6
Проповедует и воспевает днесь Церковь Твоя, Христе, величайшее таинство Милосердия Твоего, ибо из любви к человеческому роду Ты совершаешь на Тайной Вечери новую Пасху, дабы тем исполнить древние пророчества. Всех нас, учеников Своих, Ты, Искупителю Божественный, призываеши на сей пир веры, делая причастниками Твоих Тайн – не в суд и не в осуждение, но в исцеление души и тела. Сего ради благодарственно к Тебе взываем: Аллилуйя.
Икос 6
Воссия богатство благодати и неизмеримая широта счастия, ибо такое безпредельное торжество жить в Бозе и называться сынами Божиими, вечно приближатися, освящатися и облекаться в божественную велелепоту Его, — наследство безсмертия, даруемое нам жертвенной любовью Твоею, Иисусе Сладчайший, ибо чрез Тебя открывается неизреченная слава и непостижимое величие Триипостаснаго Божества, соделавшего нас соучастниками торжества Божественнаго разума Его и сонаследниками вечнаго Царствия Его. Ныне же с надеждою славословим Тя, яко Ты бо еси Бог наш, Ты – Пасха вечная и Пасха новая, и во умилении сердечнем вопием Ти:
Слава Тебе, ибо Тобой Ветхозаветный Закон благодатью обновляется.
Слава Тебе, возлагающему на нас заповедь любви, дающему нам во всем пример для подражания.
Слава Тебе, Сын Отца, Агнец Божий, и Бог, рожденный человеком.
Слава Тебе, ставшему для нас спасительной Пасхой.
Слава Тебе, Пасха нашего спасения, ради нас предавшему Себя на заклание.
Слава Тебе, Крещение, Прощение и Спасение наше.
Слава Тебе, лежащему во гробе, аки смертный, и аки бессмертный, явившему Себя в Своем Воскресении.
Слава Тебе, завершившему Свое преходящее земное служение, но вечный в Своем Божестве.
Слава Тебе, наше Воскресение и Жизнь.
Слава Тебе, Свет наш, вечный Царю и Господи.
Слава Тебе, новая Пасха, отверзающая нам двери райские.
Слава Тебе, Святой и Всемогущему, Пасха наша – Пасха новая и Пасха вечная.
Слава Тебе, Господи, Иисусе Христе, Милостивый Боже и Спасителю Наш!
Кондак 7
Хотя открыти сокровенную от века тайну Твоего, Христе, Божества Твоего и избавити род людской от страха суетнаго и животнаго пред Предвечным и Непостижимым Богом, благоволил еси стати человеком и наставил еси ны в любви К Богу и ближнему, Творче наш добрейший, просим Тя: изыди на взыскание и обнови обветшавший дома душ наших посещением Твоим; и радость Закхея взыграет в сердцех наших, снадеждою вопиющих Тебе, Сладчайший Спасителю Наш: Аллилуйя.
Икос 7
Кондак 8
Странствующих нас в мире сем, и бурею грехов и сомнений обуреваемых, Всеблагий Спасителю, не остави и не отступи от нас, Сладчайший Иисусе, яко да не низвергнемся в пучину самозабвения и уныния, и не умалим в себе образ и подобие Твои, ибо Ты, Господи Иисусе, подкрепляеши немощь нашу от Источника благодати — Пречистых Тайн Твоих, и тако оживотворяеши горение душ наших, насыщаемых любовию к Тебе, яко да ничто не разлучит ны от благости Твоей, вопиющих Ти с надеждою: Аллилуйя
Икос 8
Кондак 9
Все силы небесныя содрогнушася в той час, егда искупление наше совершая, распятие на древе крестнем претерпел еси, о Всемилосердный Иисусе. В двух же разбойницех, распятых вместе с Тобой, Владыкой Вселенной, отобразился весь мир – мир верных и мир зла, потрясенный тем, как Ты на Голгофе распростерл еси Свои пречистые руци, дабы всех призваити к Себе. Распятый по правую руку олицетворяет всех верующих и упование на Тебя возложивших. Распятый по левую – тех, кто злословит Имя Твое, ввергая себя в бездну тьмы. Мы же с любовью и благодарностью к Тебе взываем: Аллилуйя.
Икос 9
Кондак 10
Спасения нашего ради Ты, Всемилосердный Господи, умерл еси и был погребен, сошел во ад, аки Освободитель, и вывел томящиеся там души на небеса, стал еси Светом и Подателем Жизни для всех от века умерших праведников. Церковь Святую нам стяжал еси, в ней же чрез купель Крещения и Таинство Причащения обожил ны еси; от источника безсмертнаго вкусити, и сице небеса земле приклонил еси, да и мы, еще земнии суще, иже Херувимы тайнообразующе, воспеваем Ти песнь великую, в вышних трегубо песнословимую: Аллилуйя.
Икос 10
Кондак 11
Пение всеумиленное приносим Ти, Господи, Спасе и Содетелю Наш, яко Ты Первенец жизни, возлежал еси во гробе. По прошествии субботы, царящая на земле тьма была побеждена, и живоносный гроб наполнился Светом: Господь воскресе из мертвых! Ты, сохранивый при рождении Своем девство Марии, восстал из гроба, не повредив его, и явился есиСвоей Пречистой Матери. Сего ради мы благодарственно к Тебе взываем: Аллилуйя.
Икос 11
Светом одеяйся, яко ризою, Христе Спасе Наш Преблагословенный, и нас одеждами светлыми украеши, воспевающих Лепоту неизреченную Пречистаго Лика Твоего, Господи, и с надеждою просящих Тя: даруй нам безграничное добро, выносливость и терпение, победу и любовь. Мы молим Тебя, простри свои могущественные руци и ниспошли свою высшую, и всесильную мощь и приди к нам на помощь. Ты бо еси Бог наш, сидяй одесную Отца, Ты уготовил и нам место в Своем Небесном Царстве, на сие же убо уповая, вопием Ти:
Слава Тебе, пригвоздившему ко Кресту грехи наши и тем нас исцелившему.
Слава Тебе, Вознесением во славе соединившему тех, кто ранее друг с другом разобщен был, и благословившему их.
Слава Тебе, вознесшемуся на Небеса с горы Масличной и возвысившему наше человеческое естество.
Слава Тебе, Сыне Божий, восседающему ныне одесную Бога Отца.
Слава Тебе, ибо в Тебе исполнились все сокровенные пророческие тайны.
Слава Тебе, соединившему Небесное с земным.
Слава Тебе, вернувшему утраченное единство Создателя с Его творением.
Слава Тебе, вознесшемуся на Небеса и обитель для нас сотворившему.
Слава Тебе, преображающему погрязшему во грехе мир и возвращающему его в дом Отчий.
Слава Тебе, Ты снова придешь на землю, чтобы судить живых и Мертвых и призвать их к Себе.
Слава Тебе, ибо если Ты с нами, то все враги наши бессильны против нас.
Слава Тебе, нас никогда незабывающему и всегда с нами пребывающему.
Слава Тебе, Господи, Иисусе Христе, Милостивый Боже и Спасителю Наш!
Кондак 12
Благодать Твою, Господи Боже наш, грешныя милующую, сведуще, аще и недостойное житие явихом, Источниче жизни, величаем и славословим Тя, яко Ты ведеши нас вместе с Адамом в вечную жизнь и всему миру даруеши бессмертие, и еще нас всех, на земли сущих, настави жити Тобою и в Тебе, и явити доброту Твою, яко порфиру Отца щедролюбиваго, да зрим и исповедуем: яко благ еси, Иисусе Боже наш, да такожде и мы поживем пред Лицем Твоим в красоте правды Твоея. Сего ради мы благодарственно взываем: Аллилуйя.
Икос 12
Поюще Твое непостижимое о людех и о мире, Тобою сотворенном, промышление, Иисусе, Господи наш, славим Тя, и просим: не возбрани изливати нам у подножия ногу Твоею скорби и радости, и стыд горькаго сокрушения о гресех наших. Вемы, Всещедре Владыко, яко благих наших не требуеши, яко Сам Благ еси. Даруй нам убо сокрушение сердечное и сердце люботрудное, да приносим пред Лицем Твоим слезы покаяния непорочнаго и исповедание неложное. Возблаговоли, Всемилостиве, да в любви Твоей согреемся и обновимся, со умилением взывая ти сице:
Слава Тебе, Господь Небес и земли, пребывающему вкупе с Отцом и Святым Духом.
Слава Тебе, создающему Словом Своим Вселенную.
Слава Тебе, изливающему благодать Святого Духа на все живущее.
Слава Тебе, собирающему рассеянные по всему лицу земли народы воедино.
Слава Тебе, избравшему их вестниками бессмертного Слова.
Слава Тебе, преобразившему рыбаков в проповедников Божией Истины.
Слава Тебе, друзей Своих неоставляющему, и утешение им подающему.
Слава Тебе, посылающему Святого Духа, через Тебя исходит и нам является.
Слава Тебе, открывающему верным Триединого Бога.
Слава Тебе, дарующему благодать тем, кто Тебя исповедует.
Слава Тебе, Всеблагий Христе, к добродетельному жительству наставляющий нас в любви Твоей;
Слава Тебе, Боже наш, да в согласном единомыслии славим Тя, Человеколюбче;
Слава Тебе, Господи, Иисусе Христе, Милостивый Боже и Спасителю Наш!
Кондак 13
(читается три раза)
О Великий и Непостижимый Боже, Всеблагий и Сладчайший Иисусе Христе Спасителю, на убрусе Лик Свой запечатлевый, Альфа и Омега — Начало и Конец всему сущему, Всемилосердный Царю, Иже вчера, днесь и во веки Той же, по множеству щедрот Твоих, очисти беззакония наша, и имена наша в Книзе Живота напиши, да узрим и мы предвечный Сад Эдемский, и купно со избранными Твоими овцами внидем во святый град Иерусалим Небесный и тамо насытимся славы Твоея и будем выну пети лицем к Лицу Тебе во вся веки веков: Аллилуиа.
Икос 1
(читается повторно)
Ангелов Творче, Великий и Вечный Боже наш, изволивый спасения нашего ради воплотитися от Пречистой Девы Марии и явити нам лик Твой, на негоже чины небесные не могли возрети. Мы же ныне воспеваем пречистый Твой Лик, на убрусе запечатленный, Господи Иисусе, славословим Твои спасительные Страсти и преславное Воскресение исповедуем. Ты бо еси Бог наш, явивый в Себе славу Отца и пребываяй с нами. Таковому дивящеся Твоему всемогуществу, Тебе Владыце мира, взываем:
Слава Тебе, начало новой и вечной жизни.
Слава Тебе, Свете неугасимый нового дня, воссияй во мраке духовном.
Слава Тебе, Заря нашего спасения.
Слава Тебе, несотворенный, невечерний и человеколюбивый Свете.
Слава Тебе, Лозо виноградная, Премудрость и Сила Божия.
Слава Тебе, Пастырю добрый, взыскующий заблудшую овцу.
Слава Тебе, Домоправителю мудрый, потерянную драхму из сора греховнаго извлекающему.
Слава Тебе, Многомилостивый, любовью Своей нас обретающему и в Отчий дом возвращающему.
Слава Тебе, вновь дарующему нам утраченное в греховной жизни богоподобие.
Слава Тебе, облекающему нас, блудных чад Своих, в нетленные одежды.
Слава Тебе, приготовляющему для нас праздничную Трапезу и нас к Ней призывающему.
Слава Тебе, извлекающему нас из тьмы греховной и ведущему к свету Истины и любви Твоей.
Слава Тебе, Господи, Иисусе Христе, Милостивый Боже и Спасителю Наш!
Кондак 1
(также читается повторно)
Молитва пред Нерукотворным образом Господа нашего Иисуса Христа
О, Преблагий Господи Иисусе Христе, Боже наш, Ты древле человеческаго естества Твоего лице, пресвятою водою смыв и убрусом отер, чудесно убо на том же убрусе изобразити Себе и Едесскому князю Авгарю во исцеление его от недуга послати благоволил еси. Се и мы ныне, грешнии рабы Твои, душевными и телесными недуги нашими одержимы, лица Твоего, Господи, ищем, и с Давидом во смирении душ наших зовем: не отврати Лица Твоего, Господи, от нас, и не отклонися гневом от рабов Твоих, Помощник нам буди, не отрини нас и не остави нас. О Всемилостивый Господи, Спасителю наш, изобрази Сам Себе в душах наших, да во святыни и правде жительствующе, будем сынове Твои и наследницы Царствия Твоего, и тако Тебе, Премилостиваго Бога нашего, купно со Безначальным Отцем Твоим и Пресвятым Духом славити не престанем во веки веков. Аминь.